ଗଞ୍ଜାମ, ଗଞ୍ଜାମ ଜିଲ୍ଲା ଆସିକା ଥାନା ଅନ୍ତର୍ଗତ ଧନୀଜା ଓ ମହାରାଜାପୁର ଗ୍ରାମରେ ପାଗଳ କୁକୁର କାମୁଡ଼ାରେ ଗତକାଲି ଠାରୁ ଆଜି ସୁଦ୍ଧା ୨୪ ଘଂଟା ମଧ୍ୟରେ ୮ ଜଣ ଆହତ ହୋଇଛନ୍ତି । ସେମାନେ ହେଲେ ଶ୍ରୀତମ ବେହେରା, ଶଶି ବେହେରା, ସୁକାନ୍ତୀ ପାତ୍ର, କୃଷ୍ଣ ଜି. ପାତ୍ର, ସଞ୍ଜୁ ସେଠୀ, ବି. ସୀମାଚଂଳ ପାତ୍ର, ଟୁନା ପଲେଇ ଓ ସୁରେଖା ପାତ୍ର । ଆହତ ମାନେ ସମସ୍ତେ ଆସିକା ଉପଖଣ୍ଡ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଏହି ଦୁଇ ଗ୍ରାମରେ ପାଗଳ କୁକୁରକୁ ନେଇ ଲୋକେ ଆତଙ୍କିତ ଅବସ୍ଥାରେ ରହିଛନ୍ତି । ପ୍ରଶାସନ ପକ୍ଷରୁ ତୁରନ୍ତ ଏହି ପାଗଳ କୁକୁରକୁ ଧରାଯାଇ ଅନ୍ୟତ୍ର ଛଡାଯିବାକୁ ସାଧାରଣରେ ଦାବି ହେଉଛି ।
