ରଥଯାତ୍ରାରେ ମହିଳାଙ୍କୁ ଅସଦାଚରଣ ନିନ୍ଦନୀୟ -ଜଗନ୍ନାଥ ସେନା

• ସମ୍ପୃକ୍ତ ଯବାନଙ୍କ ଗିରଫ ଦାବିରେ ଥାନାରେ ଏତଲା

କୈଳାଶ ଚନ୍ଦ୍ର ପଣ୍ଡା,ପୁରୀ
ଶ୍ରୀଜଗନ୍ନାଥ ସେନା ପୁରୀ ତରଫରୁ ଆବାହକ ଆବାହକ ପ୍ରିୟଦର୍ଶିନ ପଟ୍ଟନାୟକ ମହିଳାଙ୍କୁ ଅସଦାଚରଣ କରିଥିବା RAF ଯବାନଙ୍କୁ ଦଫା ୩୫୪, ୫୦୯,୫୦୬,୪୦୯,୪୦୬ ଏବଂ ୧୬୬ ରେ ଗିରଫ କରାଯାଇ ଦୋଷୀକୁ ଦଣ୍ଡ ଦେବାପାଇଁ ଏକ ଲିଖିତ ଅଭିଯୋଗ ପ୍ରଦାନ କରିଛନ୍ତି |ଏଥି ସହିତ ସେ କହିଛନ୍ତି ଯେ ଦୁଇ ବର୍ଷ ବ୍ୟବଧାନ ପରେ ଚଳିତ ବର୍ଷ ବିଶ୍ୱ ପ୍ରଶିଦ୍ଧ ରଥଯାତ୍ରା ଅନୁଷ୍ଠିତ ହୋଇଥିଲା |ଚଳିତ ବର୍ଷ ରଥଯାତ୍ରା ଶାନ୍ତି ଶୃଙ୍ଖଳା ସହିତ ଅନୁଷ୍ଠିତ ହୋଇଥିଲା |ଭକ୍ତ, ସେବାୟତ, ପ୍ରଶାସନ, ସରକାର, ସ୍ବେଛାସେବୀ ସଂଗଠନ, ରାଜ୍ୟ ପୋଲିସ ଓ ଜିଲ୍ଲା ପୋଲିସ ର ଏଥିରେ ପ୍ରମୁଖ ଭୂମିକା ଥିଲା |ପବିତ୍ର ରଥଯାତ୍ରାରେ ସ୍ପଷ୍ଟ ଦିବାଲୋକରେ ଲକ୍ଷ ଲକ୍ଷ ଭକ୍ତଙ୍କ ଉପସ୍ଥିତିରେ ତଥା ମହାପ୍ରଭୁ ଜଗନ୍ନାଥ ଙ୍କ ସମ୍ମୁଖରେ ଓଡିଆ ଜାତିର ସର୍ବଶ୍ରେଷ୍ଠ ଯାତ୍ରା ରଥଯାତ୍ରାରେ ନେଳି ଡ୍ରେସ୍ ପିନ୍ଧା ରାଫ୍ RAF ପୋଲିସ୍ ର ମହିଳା ଭକ୍ତ ଙ୍କୁ ନିଷ୍ଠୁର ଅସଦାଚରଣ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି ରେ ସିଂହଦୁଆର ଥାନାରେ ଶ୍ରୀ ଜଗନ୍ନାଥ ସେନା ପକ୍ଷରୁ ଏକ ଏତଲା ପ୍ରଦାନ କରାଯାଇଛି ।