ଗଞ୍ଜାମ, ସାନଭାଇକୁ ହାଣି ଥାନାରେ ଆତ୍ମସମର୍ପଣ କରିଛି ବଡଭାଇ । ଏଭଳି ଏକ ନୃଶଂସ ଘଟଣା ଘଟିଛି ଗଞ୍ଜାମ ଜିଲ୍ଲା ଜରଡ଼ା ଥାନା ଅନ୍ତର୍ଗତ ଗୁଜଲିଙ୍ଗି ଗ୍ରାମରେ । ପାରିବାରିକ କଳହ ଓ ଜମିବାଡ଼ି ବିବାଦକୁ କେନ୍ଦ୍ର କରି ଆଜି ସକାଳେ ବଡଭାଇ ଅସିନା କାର୍ଜି ସାନଭାଇ କାର୍ତିକ କାର୍ଜିଙ୍କୁ ଖଣ୍ଡାରେ ହାଣି ହତ୍ୟା କରିଥିଲେ । ଏହାପରେ ସେ ଜରଡ଼ା ଥାନାକୁ ଆସି ପୋଲିସ ନିକଟରେ ଆତ୍ମସମର୍ପଣ କରିଥିଲେ । ପୋଲିସ ଘଟଣାସ୍ଥଳରେ ପହଂଚି ମୃତଦେହକୁ ଜବତ କରିବା ସହ ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡ ମେଡିକାଲକୁ ପଠାଇଛି । ଅଭିଯୁକ୍ତ ବଡଭାଇ ଅସିନାକୁ ଗିରଫ କରିଛି ପୋଲିସ । ପୋଲିସ ହତ୍ୟାକାଣ୍ଡ ସମ୍ପର୍କରେ ଅଧିକ ତଦନ୍ତ ଚଳାଇଛି ।
