ଗଂଜାମ, ଶେରଗଡ ଥାନା ପରିସରରେ ଶେରଗଡ ମିଡିଆ ହାଉସ ଓ ଆମ ପୋଲିସ ସମିତି ପକ୍ଷରୁ ମାଟ୍ରିକ ପରୀକ୍ଷାରେ ବ୍ଲକରୁ ଟପ୍ପର ହୋଇଥିବା ୪ ଜଣ ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧିତ କରାଯାଇଛି। ଏହି ସମ୍ବର୍ଦ୍ଧନା ଉତ୍ସବକୁ ମିଡିଆ ହାଉସ ର ଦିଗଦ୍ରଷ୍ଟା ମେଘନାଦ ଦାସ ପରିଚାଳନା କରିଥିବାବେଳେ ଉପଦେଷ୍ଟା ଡାକ୍ତର ହୃଷିକେଶ ମହାନ୍ତି ସ୍ବାଗତ ଭାଷଣ ପ୍ରଦାନ କରିଥିଲେ। ଏହି ଉତ୍ସବରେ ମୁଖ୍ୟ ଅତିଥି ଭାବେ ବ୍ଲକ ଅଧ୍ୟକ୍ଷ କୃଷ୍ଣଚନ୍ଦ୍ର ନାୟକ, ସମ୍ମାନିତ ଅତିଥି ଭାବେ ଆସିକା ଏସଡିପିଓ ଉମାଶଙ୍କର ସିଂହ, ସ୍ଥାନୀୟ ତହସିଲଦାର ଡଃ. ଦୟାସିନ୍ଧୁ ପରିଡା, ବିଡ଼ିଓ ମନୋରଞ୍ଜନ ସାହୁ, ଥାନାଧିକାରୀ ମନୋଜ କୁମାର ପ୍ରଧାନ,ଏବିଈଓ ସୌରୀଶଙ୍କର ବେହେରା ଓ ଶୈଳେନ୍ଦ୍ରୀ ଦଳେଇ ପ୍ରମୁଖ ମଞ୍ଚାସୀନ ଥିଲେ। ପ୍ରଥମ ସ୍ଥାନରେ ପିତଳ ଉଚ୍ଚ ବିଦ୍ୟାଳୟର ଛାତ୍ର ବି.ଶୁଭମ ପାତ୍ର, ଦ୍ଵିତୀୟ ସ୍ଥାନରେ ଗୋଠଗାଁ ସରକାରୀ ଉଚ୍ଚ ବିଦ୍ୟାଳୟର ନିରାକାର ଖଣ୍ଡୁଆଳ, ତୃତୀୟ ସ୍ଥାନରେ ଗୋଠଗାଁ ଉଚ୍ଚ ବିଦ୍ୟାଳୟର ଛାତ୍ରୀ ଈତିଶ୍ରୀ ସ୍ବାଈଁ, ଚତୁର୍ଥ ସ୍ଥାନରେ ପିତଳ ବାଳିକା ଉଚ୍ଚ ବିଦ୍ୟାଳୟର ଛାତ୍ରୀ ଦିପ୍ତିରାଣୀ ଖଣ୍ଡୁଆଳଙ୍କୁ ଉତରୀୟ, ଫୁଲତୋଡା, ମାନପତ୍ର ଏବଂ ଟ୍ରଫି ଦେଇ ଅତିଥି ମାନେ ସମ୍ବର୍ଦ୍ଧିତ କରିଥିଲେ।
ଏହି ସମ୍ବର୍ଦ୍ଧନା ଉତ୍ସବରେ ମିଡିଆ ହାଉସ ର ସଂପାଦକ ଶଙ୍କର ପ୍ରସାଦ ପ୍ରଧାନ ଓ ଅଶୋକ କୁମାର ଦାସ, ଉପସଭାପତି ଅଜିତ କୁମାର ପଣ୍ଡା ଓ ବିଚିତ୍ରାନନ୍ଦ ମୁନି, କୋଷାଧ୍ୟକ୍ଷ ଶ୍ରୀପଦ କୁମାର ଦାସ, ସହସଂପାଦକ ରମେଶ ଚନ୍ଦ୍ର ପ୍ରଧାନ, ପ୍ରଫୁଲ୍ଲ କୁମାର ମହାନ୍ତି, ବିରୁପାକ୍ଷ ବିଷୋୟୀ, ମୋହନ ପ୍ରସାଦ ପଣ୍ଡା, ସୂର୍ଯ୍ୟ ନାରାୟଣ ପାଣିଗ୍ରାହୀ, ରାଜୀବ ପ୍ରଧାନ, ବାପୁନୀ ସେଠିଙ୍କ ସହ କୃତୀ ଛାତ୍ରଛାତ୍ରୀଙ୍କ ପିତାମାତା ଓ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ମାନେ ଉପସ୍ଥିତ ଥିଲେ।
