-
ଜଣେ ମୃତ, ୧୫ରୁ ଉର୍ଦ୍ଧ୍ଵ ଯାତ୍ରୀ ଆହତ
ଖୋର୍ଦ୍ଧା, ୧୬ ନମ୍ବର ଜାତୀୟ ରାଜପଥ ବରୁଣେଇ ଓଭର ବ୍ରିଜରେ ଘଟିଛି ସଡ଼କ ଦୁର୍ଘଟଣା । ଆଜି ସକାଳ ପ୍ରାୟ ସାଢ଼େ ୮ଟା ସମୟରେ ଭୁବେଶ୍ଵରରୁ ଭଞ୍ଜନଗର ଅଭିମୁଖେ ଯାଉଥିବା ଯାତ୍ରୀବାହୀ ବସ୍ ଓଁ ଶାନ୍ତି ଟ୍ର୍ରାଭେଲସ ଏକ ଅଜଣା ଟ୍ରକ୍ ପଛରେ ଧକ୍କା ଦେବା ସହ ରାସ୍ତା କଡ଼ରେ ଥିବା ଅସ୍ଥାୟୀ ଘରକୁ ମଧ୍ୟ ଧକ୍କା ଦେଇଛି । ଦୁର୍ଘଟଣାରେ ଜଣେ ଯାତ୍ରୀଙ୍କର ମୃତ୍ୟୁ ହୋଇଥିବା ବେଳେ ୧୫ରୁ ଉର୍ଦ୍ଧ୍ଵ ଯାତ୍ରୀ ଆହତ ହୋଇଛନ୍ତି । ସମସ୍ତ ଆହତଙ୍କୁ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି । ଘଟଣାସ୍ଥଳରେ ଖୋର୍ଦ୍ଧା ଶିଳ୍ପାଚଂଳ ପୋଲିସ ପହଂଚି ତଦନ୍ତ ଆରମ୍ଭ କରିଛି । ମୃତକଙ୍କ ନାମ ଭଗବାନ ନାୟକ ବୋଲି ଜଣାପଡିଛି ।
