ଧର୍ମଶାଳା, ଯାଜପୁର ଜିଲା ରସୁଲପୁର ବ୍ଲକ ଅନ୍ତର୍ଗତ ବ୍ରହ୍ମବରଦାରେ ଆଜି ତ୍ୟାଗ ଓ ବଳିଦାନର ପର୍ବ ପବିତ୍ର ଇଦ ଉଲ ଜୁହା ମହାସମାରୋହରେ ପାଳିତ ହୋଇଯାଇଛି । ଯାହାକି ବ୍ରହ୍ମବରଦା ଅଂଚଳ ଉତ୍ସବ ମୁଖର ହୋଇଥିବା ବେଳେ ସଂଖ୍ୟାଲଘୁ ଭାଇଉଭଣୀଙ୍କ ମନରେ ଆନନ୍ଦ ଭରି ଦେଇଥିଲା । ସକାଳ ୬.୪୫ ମିନିଟ୍ ସମୟରେ ମୁସଲମାନଭାଇମାନେ ନୂତନ ବସ୍ତ୍ର ପରିଧାନ କରି ଇଗ୍ଗାହଠାରେ ଏକତ୍ର ହୋଇଥିଲେ । ସେଠାରେ ଧର୍ମଗୁରୁଙ୍କ ଉପସ୍ଥିତିରେ ସମୂହ ନମାଜପାଠ କରାଇଥିଲେ । ପରେ ପରସ୍ପରକୁ ଆଲିଙ୍ଗନ କରି ପର୍ବର ଶୁଭେଚ୍ଛା ଜଣାଇଥିଲେ । ବରୀ ବିଧାୟିକା ସୁନନ୍ଦା ଦାସ,ବରୀ ବିଜେଡି ସଂଯୋଜକ ଦେବେନ୍ଦ୍ର ଦାସ,ବ୍ରହ୍ମବରଦା ସରପଂଚ ମମତା ଶୁଭଦର୍ଶନୀ ଦେଓ ,ମହେଶ୍ୱରପୁର ସରପଂଚ ଝରଣା ପାତ୍ର ଓ ଯୁବ ନେତା ରାକେଶ ଦେଓ ପ୍ରମୁଖ ଇଦଗାହଠାରେ ପଂହଚି ସଂଖ୍ୟାଲଘୁ ଭାଇମାନଙ୍କୁ ଶୁଭେଚ୍ଛା ଜଣାଇଥିଲେ । ଶାନ୍ତିଶୃଙ୍ଖଳା ନିମନ୍ତେ ଧର୍ମଶାଳା ଥାନା,ବ୍ରହ୍ମବରଦା ଫାଣ୍ଡି ଓ କୋତପୁର ଫାଣ୍ଡି ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଥିଲା ।
