ଗଞ୍ଜାମ, ଦୁର୍ଦ୍ଦାନ୍ତ ଅପରାଧୀ କୁନା ନାୟକର ସହଯୋଗୀ ବିନୋଦ ଗୌଡ଼କୁ ଗିରଫ କରିଛି ଗୋଳନ୍ଥରା ପୋଲିସ । ଫେରାର୍ କୁନାକୁ ଗିରଫ କରିବା ପାଇଁ ପୋଲିସ ଜାଲ ବିଛାଇଥିବା ବେଳେ ଏହି ଜାଲରେ ପଡିଛି ତା’ର ସହଯୋଗୀ ବିନୋଦ । ବିନୋଦକୁ ଜୁଗୁଡ଼ି ଗ୍ରାମରୁ ପୋଲିସ ଗିରଫ କରିଛି ।
ପ୍ରକାଶ ଥାଉକି, ଗତ ୩ ତାରିଖରେ କୁନାର ଶ୍ଵଶୁର ଶଙ୍କର ପ୍ରଧାନ ଓ ଅନ୍ୟ ଦୁଇ ସହଯୋଗୀ ଶିଶିର ନାୟକ ଓ ଗଣେଷ ସାହୁଙ୍କୁ ପୋଲିସ ଗିରଫ କରି କୋର୍ଟଚାଲାଣ କରିଥିଲା । ଆଜି ବିନୋଦକୁ କୋର୍ଟଚାଲାଣ କରାଯିବ ବୋଲି ଥାନା ଅଧିକାରୀ ବିବେକାନନ୍ଦ ମହାନ୍ତ ସୂଚନା ଦେଇଛନ୍ତି । କୁନା ବିରୋଧରେ ଗଞ୍ଜାମ ଜିଲ୍ଲାର ବିଭିନ୍ନ ଥାନାରେ ଏକାଧିକ ଅପରାଧିକ ମାମଲା ରହିଥିବା ଜଣାପଡିଛି ।
