ସମ୍ବଲପୁର, ହାତୀ ଦାନ୍ତ ବିକ୍ରୀ ନେଇ ଡିଲ୍ ବେଳେ ଅଇଁଠାପାଲି ପୋଲିସ ଓ ବନ ବିଭାଗ ପକ୍ଷରୁ ମିଳିତ ଚଢ଼ଉ କରାଯାଇ ୩ ଜଣଙ୍କୁ ଧରାଯାଇଥିବା ବେଳେ ଅନ୍ୟ ଦୁଇ ଜଣ ଫେରାର୍ ହୋଇଯାଇଛନ୍ତି । ଅଇଁଠାପାଲି ଥାନା ଅନ୍ତର୍ଗତ ବାସନ୍ତୀ ଲଜ୍ ରେ ସମ୍ପୃକ୍ତ ୫ ଜଣ ରହିଥିବା ନେଇ କୌଣସି ସୂତ୍ରରୁ ଖବର ପାଇ ବନ ବିଭାଗ ଓ ପୋଲିସ ପକ୍ଷରୁ ଗତକାଲି ରାତିରେ ସେଠାରେ ଚଢ଼ଉ କରାଯାଇଥିଲା । ଧରାପଡିଥିବା ୩ ଜଣଙ୍କୁ ବନ ବିଭାଗ ନିଜ ହେପାଜତକୁ ନେଇ ପଚରା ଉଚୁରା ଚଳାଇଛି । ସେମାନଙ୍କ ଠାରୁ ହାତୀ ଦାନ୍ତ ମଧ୍ୟ ଜବତ ହୋଇଥିବା ସୂଚନା ମିଳିଛି ।
ଅନ୍ୟପକ୍ଷରେ ଜବତ ହୋଇଥିବା ଏହି ହାତୀ ଦାନ୍ତ ଗତ କିଛି ଦିନ ତଳେ ପଡିଆବାହାଲ ନିକଟରେ ସନ୍ଦେହଜନକ ଅବସ୍ଥାରେ ମୃତ୍ୟୁବରଣ କରିଥିବା ହାତୀର ବୋଲି ସନ୍ଦେହ କରାଯାଉଛି ।
