ବଲାଙ୍ଗିର, ଲୋଇସିଂହା ବ୍ଲକ୍ ଅନ୍ତର୍ଗତ କୁଟୁରାପାଲି ହାଇସ୍କୁଲ ଠାରେ ବନବିଭାଗ ସହାୟତାରେ ୭୩ ତମ ବନମହୋତ୍ସବ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ପରିଚାଳନା କମିଟି ସଭାପତି ମୁକେଶ କୁମାର ତ୍ରିପାଠୀ, କମିଟି ସଭ୍ୟ ପୂର୍ବତନ ଶିକ୍ଷକ ଦୁଃଖୀଶ୍ୟାମ ଧରୁଆ, ପ୍ରଧାନଶିକ୍ଷକ ଅବନି କୁମାର ତ୍ରିପାଠୀ, ଇକୋ କ୍ଲବ ଶିକ୍ଷକ ହରେକୃଷ୍ଣ ତ୍ରିପାଠୀ, ଖେଳ ଶିକ୍ଷକ ସୁରେଶ କୁମାର ପଟେଲ, ଶିକ୍ଷକ ମଦନ ସାହୁ, ସଦାନନ୍ଦ ସାହୁ, ଯୁଧିଷ୍ଠିର ନାୟକଙ୍କ ସମେତ ସ୍କୁଲର ଅନ୍ୟ ଶିକ୍ଷକ ଛାତ୍ର ଛାତ୍ରୀ ଯୋଗଦେଇ ଚାରା ରୋପଣ କରିଥିଲେ । ଏଠାରେ ଅନୁଷ୍ଠିତ ସଭାରେ ଅତିଥି ମାନେ ପିଲାମାନଙ୍କୁ ଉଦବୋଧନ ଦେଇ ବୃକ୍ଷ ର ଉପକାରିତା ଉପରେ କହିବା ସହିତ ଯେଉଁମାନେ ଚାରା ରୋପଣ କରିଛନ୍ତି ସେମାନେ ଏହି ସ୍କୁଲରେ ଥିବା ପର୍ଯ୍ୟନ୍ତ ଗଛ ଯେପରି ବଞ୍ଚିବ ସେ ଦିଗରେ ଉଦ୍ୟମ କରି ନିୟମିତ ପାଣି ଦେବା ସହିତ ଏହାର ଯତ୍ନ ନେବାକୁ ବ୍ରତୀ ହେବାକୁ ପରାମର୍ଶ ଦେଇଥିଲେ।
ଏହି କର୍ଯ୍ୟକ୍ରମରେ ରେଞ୍ଜ ଅଧିକାରୀ ପାଉଲ୍ ହରପଲ୍, ସୁନିଲ କୁମାର ମିଶ୍ର ଫରେଷ୍ଟର ସାରଗାଡ, ରାଜକୁମାର ଭୂଏ, ଫରେଷ୍ଟ ଗାର୍ଡ ଉପସ୍ଥିତ ରହି ସହଯୋଗ କରିଥିଲେ ।
