ଜୟପୁର, କୋରାପୁଟ ଜିଲ୍ଲା କୋଟପାଡ଼ ସହର ରେ ଘଟିଛି ଅଭାବନୀୟ ଘଟଣା । ଆମୋଦ ପ୍ରମୋଦ ପାଇଁ ମିନା ବଜାର ରେ ବ୍ରେକ ଡାନ୍ସ ରେ ବସି ଜଣେ ଝିଅ ର ମୃତ୍ୟୁ ଘଟିଛି । ସୂଚନାଯୋଗ୍ୟ କୋଟପାଡ଼ ସହରେ ରଥଯାତ୍ରା ରେ ଚାଲିଥିବା ମିନାବଜାରର ବ୍ରେକଡେନ୍ସରେ ବସିଥିବା ସମୟରେ କୋଟପାଡ଼ ମିର୍ଗାନସାହି ନିବାସୀ ମହମଦ ୟାକୁବଙ୍କ ୧୩ ବର୍ଷର ଝିଅ ଆଲଫିଆ ବାନଙ୍କ ହୃଦଘାତରେ ମୃତ୍ୟୁ ଘଟିଛି । ଝୁଲାରେ ବସି ଗୋଟିଏ ରାଉଣ୍ଡ ବୁଲିବା ପରେ ଉଡିଯାଇଥିଲା ପ୍ରାଣବାୟୁ । କୋଟପାଡ଼ ସହର ଏକ ଭାଇଚାରାର ସହର ପ୍ରତ୍ୟେକ ସମ୍ପ୍ରଦାୟ ର ପର୍ବ ପର୍ବାଣି ରେ ସଭିଏଁ ମିଶି ସହଯୋଗ କରନ୍ତି । ଘଂଟ ଯାତ୍ରା ହେଉ କିମ୍ବା ରଥଯାତ୍ରା ସବୁ ସମ୍ପ୍ରଦାୟ ର ଲୋକେ ଯାତ୍ରା ର ଭରପୁର ଆନନ୍ଦ ନିୟନ୍ତି । ଏଭଳି ଦୁଃଖଦ ଘଟଣା ଅଂଚଳ ରେ ଶୋକର ଛାୟା ସୃଷ୍ଟି କରିଛି ।
