ମୁଖୀଗୁଡା, କଳାହାଣ୍ଡି ଜିଲା ଜୟପାଟଣା ଥାନା ଅନ୍ତର୍ଗତ ବଡକର୍ଲାକୋଟ ଗ୍ରାମର ଗୋବର୍ଦ୍ଧନ ପୁଝାରି (୩୫)ଙ୍କ ସାପ କାମୁଡ଼ାରେ ମୃତ୍ୟୁ ଘଟିଛି । ଗୁରୁବାର ଦିନ ପ୍ରାୟ ୨ଟା୩୦ରେ ଗୋବର୍ଦ୍ଧନ ନିଜ ଖଳାରେ ଥିବା କୁଡ଼ିଆରେ ରଖିଥିବା ବ୍ୟାଗରୁ କିଛି ସାମଗ୍ରୀ କାଢୁଥିବା ବେଳେ ବ୍ୟାଗରେ ଥିବା ନାଗ ସାପ ତାଙ୍କୁ କାମୁଡିଥିଲା । ତାଙ୍କୁ ସନ୍ଧ୍ୟାରେ ଜୟପାଟଣା ଡାକ୍ତରଖାନାକୁ ଅଣା ଯାଇଥିଲା । ଚିକିତ୍ସାଧୀନ ଅବସ୍ଥାରେ ଗୋବର୍ଦ୍ଧନଙ୍କ ମୃତ୍ୟୁ ହୋଇଥିଲା । ଆଜି ମୃତ ଗୋବର୍ଦ୍ଧନଙ୍କ ଶବ ବ୍ୟବଚ୍ଛେଦ କରାଯାଇ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି । ଏନେଇ ଜୟପାଟଣା ଥାନାରେ ଏକ ମାମଲା ରୁଜୁ ହୋଇଛି ।
