ବଲାଙ୍ଗିର, ଗତକାଲି ବଲାଙ୍ଗିର ଜିଲ୍ଲାପାଳ ଚଂଚଳ ରାଣା ଓ ଏସ୍ପି ନିତିନ କୁଶଲକର ଜିଲ୍ଲାର ମୁରିବାହାଲ ବ୍ଲକର ଜନ ଅଭିଯୋଗ ଶୁଣାଣିକୁ ଆସିଥିବା ଓ ଅନ୍ୟାନ୍ୟ ସ୍ଥାନକୁ ପରିଦର୍ଶନ କରିଥିବା ବେଳେ ମୁରିବାହାଲ ସ୍ଥିତ ଆଦର୍ଶ ବିଦ୍ୟାଳୟରେ ମିଡ ଡେ ମିଲ୍ ଚାଖି ତାର ମାନ ଦେଖି ସନ୍ତୋଷ ବ୍ୟକ୍ତ କରିଛନ୍ତି । ଜିଲ୍ଲାପାଳ ଶ୍ରୀ ରାଣା ଓ ଏସ୍ପି ନିତିନ କୁଶଲକର ମିଡ ଡେ ମିଲ୍ ଖାଇ ପ୍ରଶଂସା କରିଥିବା ବେଳେ ବିଭିନ୍ନ କାର୍ଯ୍ୟ ତଦାରଖ କରି ୭ ଦିନ ମଧ୍ୟରେ ବାଳିକା ଛାତ୍ରାବାସ କାମ ସାରିବାକୁ ନିର୍ଦ୍ଦେଶ ଦେଇଥିଲେ । ପରିବେଶକୁ ସଫା ସୁତୁରା ରଖିବାକୁ ଜିଲ୍ଲା ଶିକ୍ଷା ନିରୀକ୍ଷକଙ୍କୁ ନିର୍ଦ୍ଦେଶ ଦେଇଥିବା ଜଣାପଡିଛି ।
