ବଲାଙ୍ଗିର, ପାଟଣାଗଡ଼ ଉପଖଣ୍ଡ ପାଟଣାଗଡ଼ ବ୍ଲକ ଲରମ୍ଭା ଗ୍ରାମ ବାଘପଡାଠାରେ ବ୍ଲକ ଅଧ୍ୟକ୍ଷ ନୀଳକାନ୍ତ ବାଗଙ୍କ ଅଧ୍ୟକ୍ଷତାରେ ଗତକାଲି ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି । ଏହି ମିଶ୍ରଣ ପର୍ବରେ ମୁଖ୍ୟ ଅତିଥି ଭାବେ ପାଟଣାଗଡ଼ ବିଧାୟକ ସରୋଜ କୁମାର ମେହେର ଯୋଗ ଦେଇଥିଲେ । ସମ୍ମାନୀୟ ଅତିଥି ଭାବେ୧୪ ନମ୍ବର ଜୋନ ଜିଲ୍ଲା ପରିଷଦ ବିସେଶ୍ଵରୀ ବରିହା, ପ୍ରଭୁଲାଲ ବରିହା, ନିଲାମ୍ବର ସାହୁ ଉପସ୍ଥିତ ଥିବା ବେଳେ ଦଳୀୟ ଜିଲ୍ଲା ସମ୍ପାଦକ ତଥା ତମିଆଁ ସମିତି ସଭ୍ୟ ଗୋବିନ୍ଦ ମେହେର ସଭା ପରିଚାଳନା କରିଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ବଚ୍ଛ ଓ ନିର୍ମଳ ଶାସନରେ ଅନୁପ୍ରାଣିତ ହୋଇ କଂଗ୍ରେସ ଦଳର ୧୪ ନମ୍ବର ଜୋନ ସଭାପତି ତଥା ପୂର୍ବତନ ସରପଞ୍ଚ ଦୁର୍ଯ୍ୟୋଧନ ଭୁଏ ଓରଫ କାଲୁଙ୍କ ନେତୃତ୍ବରେ ୫୦ରୁ ଅଧିକ କଂଗ୍ରେସ କର୍ମୀ ବିଜେଡିରେ ଯୋଗ ଦେଇଛନ୍ତି । ଶ୍ରୀ ଭୁଏ ୧୪ ନମ୍ବର ଜୋନର ଜଣେ ଟାଣୁଆ ନେତା ସହ କଂଗ୍ରେସ ଦଳର ସଂଗଠକ ଏବଂ ୨୦୧୭ରେ ଉକ୍ତ ଜୋନରେ କଂଗ୍ରେସ ଦଳ ତରଫରୁ ଜିଲ୍ଲା ପରିଷଦ ପ୍ରାର୍ଥୀ ଭାବେ ନିର୍ବାଚନ ଲଢିଥିଲେ ।
