ବଲାଙ୍ଗିର, ବଲାଙ୍ଗିର ଶାନ୍ତିପଡା ସ୍ଥିତ ଟାଇଗର ୟୁଥ କ୍ଲବ୍ ଠାରେ ଗତକାଲି ୧୮୯ ସିଆର୍ପିଏଫ୍ ବାଟାଲିୟନ ପକ୍ଷରୁ କମାଣ୍ଡେଣ୍ଟ ପୱନ କମାର ତିୱାରିଙ୍କ ନେତୃତ୍ଵରେ ‘ହର୍ ଘର୍ ତ୍ରିରଙ୍ଗା’ ଅଭିଯାନ ଆୟୋଜିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ସ୍ଥାନୀୟ ଜନ ସାଧାରଣଙ୍କ ସମେତ ସମସ୍ତ ସିଆର୍ପିଏଫ୍ ଜବାନ ସାମିଲ ଥିଲେ । ଏହି ଅବସରରେ ପି.କେ. ରାଠ ମଞ୍ଚ ପରିଚାଳନା କରିଥିବା ବେଳେ ଶ୍ରୀମତୀ ସରିତା ଦାସ ଆଜାଦୀ କା ଅମୃତ ମହୋତ୍ସବର ଅନ୍ତର୍ଗତ ସ୍ଵତନ୍ତ୍ରତା ଦିବସ ଅବସରରେ ‘ହର୍ ଘର୍ ତ୍ରିରଙ୍ଗା’ ଅଭିଯାନ ବିଷୟରେ ସମସ୍ତଙ୍କୁ ଅବଗତ କରାଇଥିଲେ । କମାଣ୍ଡେଣ୍ଟ ପୱନ କୁମାର ତିୱାରି ଦେଶର ରାଷ୍ଟ୍ରିୟ ଧ୍ଵଜା ତ୍ରିରଙ୍ଗା ବିଷୟରେ ଆଲୋଚନା କରିଥିଲେ ଓ ସମସ୍ତେ ମିଳିମିଶି ଏହି ହର୍ ଘର୍ ତ୍ରିରଙ୍ଗା କାର୍ଯ୍ୟକ୍ରମକୁ ସଫଳ କରିବା ପାଇଁ ଆହ୍ଵାନ କରିଥିଲେ । ଏହି କାର୍ଯ୍ୟକ୍ରମରେ ଅତିରିକ୍ତ ବରିଷ୍ଠ ନାଗରିକ ଡ. ରାଧାକାନ୍ତ ବେଗ, ବି.ବି. ପାଣିଗ୍ରାହୀ, ଦେବରାଜ ନାଗ, କେରିପୁବଲର ମୁଖ୍ୟ ଚିକିତ୍ସା ଅଧିକାରୀ ଡା. ରମରଘୁରାମ, ଦ୍ଵିତୀୟ କମାଣ୍ଡ ଅଧିକାରୀ ପିତବାସ ପଣ୍ଡା, ଡା. ବିନୋଦ ଟଣ୍ଡନ ଓ ଉପ କମାଣ୍ଡେଣ୍ଟ ସେୟଦ ମୁଜୀବ ଅଲ୍ଲୀ, ଏସ୍ଏମ୍ ବଳରାମ ପାତ୍ର ଏବଂ ଅନ୍ୟ କର୍ମଚାରୀ ଏବଂ ଜନସାଧାରଣ ଉପସ୍ଥିତ ଥିଲେ ।
