-
୨ ଖଣ୍ଡା, ୩ ଲୁହା ରଡ, ୨ଟି ଟର୍ଚ୍ଚ ଓ ଅନ୍ୟାନ୍ୟ ଚୋରି ସାମଗ୍ରି ଜବତ
ଗଞ୍ଜାମ, ବ୍ରହ୍ମପୁର ଏସପିଙ୍କ ନିର୍ଦ୍ଦେଶ କ୍ରମେ ଏକ ସ୍ଵତନ୍ତ୍ର ପୋଲିସ ଦଳ ଗଠନ କରାଯାଇ ରାତ୍ର ପେଟ୍ରୋଲିଂ ସମୟରେ ବ୍ରହ୍ମପୁର, ଦିଗପହଣ୍ଡି ରାସ୍ତାକୁ ବ୍ଲକିଂ କରି ବାଲିପଡା – ପଦରବାଲି ନିକଟସ୍ଥ ଆଶ୍ରୟସ୍ଥଳିରୁ ଡକାୟତ ଯୋଜନା କରୁଥିବା ୫ ଜଣ ଡକାୟତଙ୍କୁ ମାରଣାସ୍ତ୍ର ସହ କାବୁ କରି ଗିରଫ କରିଛନ୍ତି । ସେମାନଙ୍କ ଠାରୁ ୨ ଟି ଖଣ୍ଡା, ୩ ଟି ଲୁହା ରଡ, ୨ଟି ଟର୍ଚ୍ଚ ଓ ଅନ୍ୟାନ୍ୟ ଚୋରି କରିବା ସାମଗ୍ରି ଜବତ କରିଛନ୍ତି । ବ୍ରହ୍ମପୁର ସହରରେ ଆଜିକୁ ୧୦ ଦିନ ତଳେ ରେଡିଓ ଷ୍ଟେସନ୍ ପଛ ସାହି ଓ ଗୋଷାଣିନୂଆଗାଁ ଓମ ବିହାର ଚୋରି ଘଟଣାରେ ଏହି ୫ ଜଣ ଡକାୟତ ଜଡିତ ଥିବା ପୋଲିସ ସୂତ୍ରରୁ ସୂଚନା ମିଳିଛି। ସେମାନଙ୍କ ଠାରୁ ଚୋରି ହୋଇଥିବା ପ୍ରାୟ ୪୦ ଗ୍ରାମ ସୁନା ଅଳଙ୍କାର, ୫୦ ଗ୍ରାମ ରୂପା ଜବତ ହୋଇଛି । ଡକାୟତମାନେ ହେଲେ ଆସ୍କା ଚେରମାରିଆ ବଜ୍ରକୋଟର ଜଣେ, ବାଲିପଦର ପଚାଲୁଣ୍ଡି ଓ ବିସ୍ଥାପିତ ନଗରର ୨ ଜଣ ଏବଂ ଟାଙ୍ଗି ଜିକିଟିପଡାର ୨ଜଣ। ଏମାନଙ୍କୁ ଗିରଫ ପରେ କୋର୍ଟ ଚାଲଣ କରାଯାଇଥିବା ନେଇ ବ୍ରହ୍ମପୁର ପୋଲିସ ସୂତ୍ରରୁ ପ୍ରକାଶ।
