ଭବାନୀପାଟଣା, ଭବାନୀପାଟଣା ସଦର ମହକୁମା ପୌରାଞ୍ଚଳ ୧୦ ନମ୍ବର ୱାର୍ଡରେ ଥିବା ୟୁ ଜି ୟୁ ପି. ବିଦ୍ୟାଳୟର ସ୍ଥିତି ଅତ୍ୟନ୍ତ ଦୟନୀୟ ହୋଇପଡିଛି। ଆଜି ସାମାନ୍ୟ ବର୍ଷାରେ ବିଦ୍ୟାଳୟରେ ପାଣି ଜମିବା ସହ ଚୌକି ଟେବୁଲ ପାଣିରେ ଭିଜିଛି। ସ୍କୁଲ ଘର ମଧ୍ୟ ଦୁର୍ବଳ ହୋଇଗଲାଣି। ଫଳରେ ଛାତରୁ ସିମେଣ୍ଟ ଖଣ୍ଡ ଖସୁଛି। ଯାହା ଫଳରେ ଛାତ୍ରଛାତ୍ରୀ ମାନେ ବିଦ୍ୟାଳୟ ଶ୍ରେଣୀ ଗୃହରେ ବସି ପାଠ ପଢୁଥିବା ବେଳେ ନିଜକୁ ସୁରକ୍ଷିତ ମଣୁ ନାହାନ୍ତି। ତତ ସହିତ ଅଭିଭାବକ ମାନଙ୍କ ମନରେ ମଧ୍ୟ ଭୟ ରହୁଛି।
ଅନ୍ୟପକ୍ଷରେ ବିଦ୍ୟାଳୟରେ ଆବଶ୍ୟକ ଶିକ୍ଷକ ମଧ୍ୟ ନାହାନ୍ତି। ଯଦି ଭବାନୀପାଟଣା ମୁଖ୍ୟ ସହରରେ ସ୍କୁଲର ପରିସ୍ଥିତି ଏପରି ତାହେଲେ ଗ୍ରାମାଞ୍ଚଳକୁ ଦେଖୁଛି କିଏ, ପ୍ରାରମ୍ଭିକ ବର୍ଷାରେ ଏପରି ସ୍ଥିତି ହେଲେ ଆଗକୁ ଆହୁରି ବର୍ଷା ହେବାର ଅଛି, ପରିସ୍ଥିତିକୁ ଅନୁଧ୍ୟାନ କରି ଜିଲ୍ଲା ପ୍ରଶାସନ ବିହିତ ବ୍ୟବସ୍ଥା ଗ୍ରହଣ କରିବାକୁ ସାଧାରଣରେ ଦାବି ହେଉଛି।
