ଭୁବନେଶ୍ୱର, ଭୁବନେଶ୍ୱରସ୍ଥିତ ଦିବ୍ୟାଙ୍ଗଜନଙ୍କ ପାଇଁ ଜାତୀୟ କ୍ୟାରିଅର ସେବା କେନ୍ଦ୍ର (ଏନସିଏସସିଡିଏ) ପକ୍ଷରୁ ଆସନ୍ତା ୨୪ ତାରିଖରେ ଭୁବନେଶ୍ୱର ପୋଖରୀପୁଟ ଗଣ୍ଡମୁଣ୍ଡା ଠାରେ ଥିବା ମଧୁସୂଦନ ପାର୍କ ନିକଟବର୍ତୀ ଏନସିଏସସିଡିଏ କାର୍ଯ୍ୟାଳୟ ପରିସରରେ ଏକ ନିଃଶୁଳ୍କ ନିଯୁକ୍ତି ମେଳା ଆୟୋଜନ କରାଯିବ । ଏଥିରେ ୫ରୁ ଅଧିକ କମ୍ପାନୀ ଏବଂ ଫାର୍ମ ଅଂଶଗ୍ରହଣ କରିବାର କାର୍ଯ୍ୟକ୍ରମ ରହିଛି । ନିଯୁକ୍ତି ମେଳାରେ ସେଲ୍ସ ଏଗ୍ଜିକ୍ୟୁଟିଭ, ଟେଲିକଲର, ରିଲେସନଶିପ ଅଫିସର, ମାର୍କେଟିଂ ଏଗଜିକ୍ୟୁଟିଭ, ଫ୍ରଣ୍ଟ ଅଫିସ ଏଗଜିକ୍ୟୁଟିଭ, ଫିଲ୍ଡ କ୍ରେଡିଟ୍ ଅଫିସର, ସିଏନସି ମେସିନ ଅପରେଟର ଆଦି ପଦବୀ ପାଇଁ ପାଖାପାଖି ୨୦୦ ପଦବୀରେ ପ୍ରାର୍ଥୀଙ୍କୁ ନିଯୁକ୍ତି ଦିଆଯିବ । ସମସ୍ତ ଶିକ୍ଷାଗତ ଯୋଗ୍ୟତା ପ୍ରମାଣପତ୍ରର କପି, ଆଧାର କାର୍ଡ, ପାସପୋର୍ଟ ସାଇଜ୍ ଫଟୋ ସହିତ ବାୟୋଡାଟା ନେଇ ପ୍ରାର୍ଥୀମାନେ ଏହି ମାଗଣା ନିଯୁକ୍ତି ମେଳାରେ ଅଂଶଗ୍ରହଣ କରିବା ନିମନ୍ତେ ଏନସିଏସସିଡିଏ ପକ୍ଷରୁ ଆମନ୍ତ୍ରଣ କରାଯାଇଛି । ନିଯୁକ୍ତି ମେଳା ସମ୍ପର୍କରେ ଅଧିକ ଜାଣିବା ଲାଗି ଇଚ୍ଛୁକ ପ୍ରାର୍ଥୀ ୦୬୭୪-୨୩୫୨୩୧୭ ନମ୍ବରରେ ଯୋଗାଯୋଗ କରିପାରିବେ ।
