ଭଦ୍ରକ – ଆଜି ଭଦ୍ରକ ଚରମ୍ପାସ୍ଥିତ ରିଜର୍ଭ ପୁଲିସ୍ କାର୍ଯ୍ୟାଳୟ ପରିସରରେ ଏକ ପୁଲିସ୍ କ୍ୟାଂଟିନ ଓ ପିସିଆର ଭ୍ୟାନ୍ର ଶୁଭ ଉଦ୍ଘାଟନ କରିଛନ୍ତି ପୂର୍ବାଂଚଳ ଆଇଜି ଦୀପ୍ତେଶ ପଟ୍ଟନାୟକ । ପୂର୍ବ ପ୍ରସ୍ତୁତି ଅନୁସାରେ ପୂବାଞ୍ଚଳ ଆଇଜି ଶ୍ରୀ ପଟ୍ଟନାୟକ ଆଜି ରିବନ କାଟି ନୂତନ କ୍ୟାଣ୍ଟିନର ଶୁଭାରମ୍ଭ କରିଥିଲେ । ପରେ ସବୁଜ ପତାକା ଦେଖାଇ ପାଟ୍ରୋଲିଂ ପାଇଁ ଏକ ନୂଆ ପିସିଆର ଭ୍ୟାନ୍ର ଉଦ୍ଘାଟନ କରିଥିଲେ । ଏହି ଉଦ୍ଘାଟନୀ ସମୟରେ ଜିଲା ଆରକ୍ଷୀ ଅଧିକ୍ଷକ ରାଜେଶ ପଣ୍ଡିତ, ଅତିରିକ୍ତ ଆରକ୍ଷୀ ଅଧିକ୍ଷକ କୈଳାସ ଚନ୍ଦ୍ର ପରିଡା, ରିଜର୍ଭ ଇନ୍ସିପେକ୍ଟର ମନୋରଂଜନ ତରାଇଙ୍କ ସମେତ ଅନ୍ୟ ଅଧିକାରୀମାନେ ଉପସ୍ଥିତ ଥିଲେ ।
