ପୁରୀ,ରଥଯାତ୍ରାରେ ଶ୍ରଦ୍ଧାଳୁଙ୍କ ଶୃଙ୍ଖଳିତ ଦର୍ଶନ, ଭକ୍ତ ସଂଚାଳନା ନେଇ ବିଭିନ୍ନ ସାହିର ସ୍ଵେଚ୍ଛାସେବୀ ମାନଙ୍କ ସହିତ ଆଲୋଚନା କରିଛି ପୋଲିସ ପ୍ରଶାସନ । ଏହି ସ୍ଵେଚ୍ଛାସେବୀ ମାନେ ବିଭିନ୍ନ ଛକ ସ୍ଥାନ ଓ କ୍ରସିଂ ମାନଙ୍କରେ ଭକ୍ତ ସଂଚାଳନା କ୍ଷେତ୍ରରେ ପୋଲିସକୁ ସହାୟତା କରିବା ସମ୍ପର୍କରେ ଆଜି ଟାଉନ୍ ଥାନାରେ ଅନୁଷ୍ଠିତ ଏହି ବୈଠକରେ ଆଲୋଚନା ହୋଇଛି ।
ଅତିରିକ୍ତ ଏସପି ପି.ସି. ବଡଜେନା, ସିଟି ଡିଏସପି ଏବଂ ପୋଲିସର ଅନ୍ୟ ବରିଷ୍ଠ ଅଧିକାରୀ ମାନେ ଏହି ବୈଠକରେ ଉପସ୍ଥିତ ଥିଲେ ବୋଲି ପୁରୀ ପୋଲିସ ପକ୍ଷରୁ ଏକ ଟ୍ଵିଟ୍ କରି ସୂଚନା ଦିଆଯାଇଛି ।
