କନ୍ଧମାଳ, କନ୍ଧମାଳ ଜିଲ୍ଲା ଫୁଲବାଣୀ ସଦର ଥାନା ଅନ୍ତର୍ଗତ ଫୁଲବାଣୀ ସହର ନିକଟସ୍ଥ ସରକାରୀ ଶିଳ୍ପ ତାଲିମ କେନ୍ଦ୍ରର ପଛ ପାର୍ଶ୍ଵ ଏକ ଗଛରେ ଜଣେ ମହିଳାଙ୍କ ମୃତଦେହ ଝୁଲନ୍ତା ଅବସ୍ଥାରେ ପୋଲିସ ଉଦ୍ଧାର କରିଛି। ରବିବାର ଶିଳ୍ପ ତାଲିମ କେନ୍ଦ୍ର ପଛପଟକୁ କେନ୍ଦ୍ରର ରୋଷେୟା କୌଣସି କାମରେ ଯାଉଥିବା ବେଳେ ମହିଳାଙ୍କ ମୃତଦେହ ଗଛରେ ଝୁଲୁଥିବା ଦେଖି ଅଞ୍ଚଳ ବାସୀଙ୍କୁ କହିଥିବା ସହ ଘଟଣା ସମ୍ପର୍କରେ ସଦର ଥାନାକୁ ଖବର ଦେଇଥିଲେ। ସଦର ଥାନା ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ସଦର ଥାନା ଏସ ଆଇଲକ୍ଷ୍ମୀ ଖୁଣ୍ଟିଆ ମାମଲାର ତଦନ୍ତ ଅଧିକାରୀ ଦାୟିତ୍ଵ ଗ୍ରହଣ କରିଛନ୍ତି। ଏନେଇ ସଦର ଥାନାରେ ଏକ ଅପମୃତ୍ୟୁ ମାମଲା ୭/୨୨ ରେ ରୁଜ୍ଜୁ କରି ଶବ ବ୍ୟବଚ୍ଛେଦ ନିମନ୍ତେ ଫୁଲବାଣୀ ମୁଖ୍ୟ ଚିକିତ୍ସାଳୟକୁ ପଠାଇ ଘଟଣାର ତଦନ୍ତ ଜାରି ରଖିଥିବା ସଦର ଥାନା ଅଧିକାରୀ ପ୍ରଶାନ୍ତ କୁମାର ବେହେରା ଗଣମାଧ୍ୟମକୁ ସୂଚନା ଦେଇଛନ୍ତି । ମହିଳା ଜଣକ ଫୁଲବାଣୀ ଶିଳ୍ପକେନ୍ଦ୍ର ନିକଟରେ ଘର କରି ବହୁ ବର୍ଷ ଧରି ରହୁଥିବା ପ୍ରତାପ କଁହରଙ୍କ ଝିଅ ବୋଲି ଜଣାପଡିଛି । ଗତ ଗୁରୁବାର ରାତିରୁ ଝିଅ ନିଖୋଜ ଥିବା ମହିଳାଙ୍କ ବାପା ପ୍ରତାପ କଁହର ପୋଲିସକୁ କହିଥିବା ଜଣାପଡିଛି ।
