ଭୁବନେଶ୍ୱର,ଆଜି ୭୩୧ ପ୍ରାଥମିକ ସମବାୟ ସମିତିର ନିର୍ଦ୍ଦେଶକ ଓ ସଭ୍ୟ ପାଇଁ ନିର୍ବାଚନ ଚାଲିଛି । ୨୪୪ ସମ୍ବେଦନଶୀଳ ବୁଥରେ ପୋଲିସ ଆୟୋଜନ କରାଯାଇଛି । ସବୁଠାରେ ଶାନ୍ତିଶୃଙ୍ଖଳା ସହ ନିର୍ବାଚନ ଚାଲିଛି ବୋଲି ସୂଚନା ଦେଇଛନ୍ତି ରାଜ୍ୟ ସମବାୟ ନିର୍ବାଚନ କମିଶନର ସୁନ୍ଦରଲାଲ ସିଲ ।
ସେ କହିଛନ୍ତି ଯେ ଏହା ପରେ ସଭାପତି ଓ ଉପସଭାପତି ପାଇଁ ୧୫ ଦିନ ପରେ ନିର୍ବାଚନ ଅଛି । ତୃତୀୟ ପର୍ଯ୍ୟାୟ ନିର୍ବାଚନ ସେଂଟ୍ରାଲ ସମବାୟ ସମିତି ପାଇଁ ଅକ୍ଟୋବରରେ ହେବ । ନିର୍ବାଚିତ ହୋଇଥିବା ନିର୍ଦ୍ଦେଶକ ମାନେ ସେଂଟ୍ରାଲ ସମବାୟ ସମିତିର ସଭ୍ୟ ହୋଇ ଭୋଟ ଦେବେ । କିଛି ସ୍ଥାନରେ ହାଇକୋର୍ଟରେ ମାମଲା ବିଚାରାଧୀନ ଅଛି । ହାଇକୋର୍ଟଙ୍କ ନିଷ୍ପତିକୁ ଅପେକ୍ଷା କରାଯାଇଛି ।
