ମାଲକାନଗିରି, ମାଲକାନଗିରି ଜିଲ୍ଲା ମାଥିଲି ଥାନା ପୋଲିସ ଗତକାଲି ରାତିରେ ଗୋବିନ୍ଦପାଲି -ବୈପାରୀଗୁଡା ରାସ୍ତାରେ ପାଟ୍ରୋଲିଂ କରୁଥିବା ବେଳେ ସପ୍ତଧାରା ବ୍ରିଜ ନିକଟରେ ମାଥିଲି ପୋଲିସ୍ ଟିମ୍ ଓଡି ୨୪ଇ ୮ ୭ ୩ ୩ ନମ୍ବର ବିଶିଷ୍ଟ ଏକ ମାରୁତି ସୁଜୁକି ୱାଗନର ଗାଡିରେ ୨ ଜଣ ଯୁବକ ଆସୁଥିବା ଦେଖି ଅଟକାଇଥିଲା। ଗାଡି ଯାଞ୍ଚ କରିବାରୁ ସେଥିରେ ୬ ପ୍ୟାକେଟ ଗଞ୍ଜାଇ ଥିବା ଦେଖିବାକୁ ପାଇଥିଲେ। ଅଭିଯୁକ୍ତମାନେ ମାଡକାପଦର ପାର୍ଶ୍ଵରୁ ଗନ୍ଜେଇ କିଣି ନୂଆପଡା ଜିଲ୍ଲା ଆଡକୁ ନେଉଥିଲେ। ୬ ଟି ପ୍ୟାକେଟରେ ୧୫୦ କେଜି ୪୮୦ ଗ୍ରାମ ଗଞ୍ଜେଇ ରହିଥିଲା। ଅଭିଯୁକ୍ତ ମାନଙ୍କ ଠାରୁ ଗୋଟିଏ ମାରୁତି ସୁଜୁକି ୱାଗନର କାର୍, ଦୁଇଟି ମୂଲ୍ୟବାନ ମୋବାଇଲ୍ ଫୋନ୍ (ଆଇଫୋନ୍ – ୬ ଏବଂ ଭିଭୋଫୋନ, ନଗଦ୨୦ ହଜାର ଟଙ୍କା, ଆଧାର କାର୍ଡ, ଭୋଟର ପରିଚୟ ପତ୍ର, ଏସବିଆଇ ଏଟିଏମ କାର୍ଡ ଇତ୍ୟାଦି ଜବତ ହୋଇଛି। ଗିରଫ ୨ ଅଭିଯୁକ୍ତ ହେଲେ ନବରଙ୍ଗପୁର ଜିଲ୍ଲା ଆରକେ କଲୋନୀର ଇସ୍ରାଏଲ୍ ସେନାପତି ଓ ନବରଙ୍ଗପୁର ଜିଲ୍ଲା ତାରାଗାଁର ନନ୍ଦା ସୋରା। ଉଭୟ ଅଭିଯୁକ୍ତଙ୍କୁ ଗିରଫ ପରେ ଆଜି କୋର୍ଟଚାଲାଣ କରାଯାଇଥିବା ମାଥିଲି ଥାନା ଅଧିକାରୀ ସୂର୍ୟପ୍ରକାଶ ନାୟକ ସୂଚନା ଦେଇଛନ୍ତି।
