ଭବାନୀପାଟଣା, କଳାହାଣ୍ଡି ଜିଲ୍ଲାର କୋକସରା ଠାରେ ପାଣି ପାଇଁ ୨୬ ନଂ ଜାତୀୟ ରାଜପଥକୁ ଅବରୋଧ କରିଛନ୍ତି ଲୋକେ । କୋକସରା ଅଂଚଳରେ ପାନୀୟ ଜଳ ଯୋଗାଣରେ ଅବ୍ୟବସ୍ଥା ପ୍ରତିବାଦରେ ଗରା, ମାଠିଆ, ବାଲଟି ଧରି ରାସ୍ତାକୁ ଓହ୍ଲାଇଛନ୍ତି ଶତାଧିକ ପୁରୁଷ ଓ ମହିଳା । ଅଭିନବ ଢ଼ଙ୍ଗରେ ଏହାର ପ୍ରତିବାଦ କରିବା ସହ ଆଜି ସକାଳ ଠାରୁ ସେଠାରେ ରାସ୍ତାରୋକ କରିଛନ୍ତି । ଫଳରେ ଦୀର୍ଘ ସମୟ ଧରି ଭବାନୀପାଟଣା – ଜୟପୁର ରୁଟ୍ ରେ ଯାନବାହନ ଚଳାଚଳ ବ୍ୟାହତ ହୋଇଛି । ଖବର ପାଇ କୋକସରା ପୋଲିସ ଓ ବ୍ଲକର ଗ୍ରାମପଚାଂୟତ ଅଧିକାରୀ (ଜିପିଓ) ଘଟଣାସ୍ଥଳରେ ପହଂଚି ଉତ୍ୟେକ୍ତ ଲୋକଙ୍କୁ ବୁଝାସୁଝା ପାଇଁ ଉଦ୍ୟମ ଚଳାଇଛନ୍ତି । ତେବେ ଖବର ଲେଖାଯିବା ସୁଦ୍ଧା ରାସ୍ତାରୋକ ଜାରୀ ରହିଛି ।
