ବଲାଙ୍ଗିର,ବଲାଙ୍ଗିର ସହର ସ୍ଥିତ କୋଶଳ କଳା ମଣ୍ଡଳ ପଡ଼ିଆରେ ଶୀତଳ ଷଷ୍ଠୀ ଅବସରରେ ମୀନା ବଜାର ଚାଲିଛି। ଭିଡର ସୁଯୋଗ ନେ଼ଇ ଏଠାରେ ଅସାମାଜିକ କାର୍ଯ୍ୟକଳାପ ବୃଦ୍ଧି ପାଇଥିବା ବେଳେ ପୋଲିସର ସୁରକ୍ଷା ଦିଗରେ ଆବଶ୍ୟକୀୟ ବ୍ୟବସ୍ଥାର ଅଭାବ ପରିଲକ୍ଷିତ ହେଉଛି । ଏଠାରେ ଗତକାଲି ହଠାତ ଖବର ପାଇ ପଡିଆକୁ ଯାଇଥିଲା ପୋଲିସ । ଏହି କୋଶଳ କଳାମଣ୍ଡଳ ପଡିଆରେ ଚାଲିଥିବା ଏକ ବେଆଇନ୍ ଜୁଆ ଆଡ୍ଡା ଉପରେ ଚଢଉ କରି ୫ ଜଣ ଯୁଆଡିଙ୍କୁ ଥାନାରେ ଅଟକ ରଖିଛି ଟାଉନ ପୋଲିସ ।
ସୂଚନା ଅନୁସାରେ, କିଛି ଦିନ ହେବ ପଡିଆରେ ମୀନାବଜାର ଚାଲୁଥିବାରୁ ପ୍ରବଳ ଜନ ଗହଳି ଲାଗିରହିଛି । ତେବେ ଏହା ସୁଯୋଗ ନେଇ ଜୁଆ ଖେଳ ଚାଲିଥିବା ବେଳେ କୌଣସି ସୂତ୍ରରୁ ଖବର ପାଇ ଚଢଉ କରି ୫ ଜଣ ଜୁଆଡିଙ୍କୁ କାବୁ କରିବା ସହ ବଲାଙ୍ଗିର ଟାଉନ୍ ଥାନାରେ ଅଟକ ରଖିଥିବା ଜଣାପଡିଛି।
