ପୁରୀ,୧୯୬୦ ମସିହାରେ ମୁକ୍ତିଲାଭ କରିଥିଲା ଓଡ଼ିଆ ଚଳଚ୍ଚିତ୍ର ଶ୍ରୀଲୋକନାଥ। ତେବେ ରାଷ୍ଟ୍ରପତି ପୁରସ୍କାରେ ସମ୍ମାନିତ ଏହି ଚଳଚ୍ଚିତ୍ରର ପ୍ରିଣ୍ଟ ଉପଲବ୍ଧ ନ ଥିଲା କିମ୍ବା ଅନ୍ୟ କୌଣସି ଇଲେକ୍ଟ୍ରୋନିକ ଫର୍ମିଟ୍ କୁ ମଧ୍ୟ ସ୍ଵଚ୍ଛ ହୋଇ ରୂପାନ୍ତରିତ ହୋଇ ନ ଥିଲା। ଫିଲ୍ମ ଜର୍ଣ୍ଣାଲିଷ୍ଟ ଫୋରମ୍ ପକ୍ଷରୁ ପୁନଃ ଉଦ୍ଧାର ଓ ସଂରକ୍ଷଣ ପରେ ଓଡ଼ିଆ ଚଳଚ୍ଚିତ୍ର ଶ୍ରୀଲୋକନାଥକୁ ଚଳିତ ମାସ ୧୩ ତାରିଖ ସଂଧ୍ୟା ୬.୧୫ ମିନିଟ୍ ସମୟରେ ପୁରୀ ଟାଉନ ହଲ ଠାରେ ପ୍ରଦର୍ଶିତ କରାଯିବ ବୋଲି ଫୋରମ୍ ର ସଭାପତି ସଞ୍ଜୟ ଦାସବର୍ମା ସୂଚନା ଦେଇଛନ୍ତି। ୬୨ ବର୍ଷ ତଳର ଏହି ଚଳଚ୍ଚିତ୍ରକୁ ଦେଖିବା ପାଇଁ ସମସ୍ତଙ୍କୁ ଅନୁରୋଧ କରାଯାଇଛି।
