ନୂଆଦିଲ୍ଲୀ, ଫ୍ରାନ୍ସରେ ଚାଲିଥିବା ପାରା ଶୁଟିଂ ବିଶ୍ୱକପରେ ସ୍ୱର୍ଣ ପଦକ ଜିତିବା ପରେ ଅବନୀ ଲଖେଡା ଓ ଶ୍ରୀହର୍ଷ ଦେବରେଡୀଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଭିନନ୍ଦନ ଜଣାଇଛନ୍ତି । ଅବନୀ ଲଖେଡାଙ୍କ ଟ୍ୱିଟର ଜବାବରେ ପ୍ରଧାନମନ୍ତ୍ରୀ ମୋଦୀ ବୁଧବାର ଦିନ ଟ୍ୱିଟ କରି କହିଛନ୍ତି ଯେ – ଏହି ଐତିହାସିକ ଉପଲବ୍ଧି ପାଇଁ ଅବନୀ ଲଖେଡାଙ୍କୁ ଅଭିନନ୍ଦନ । ଆପଣ ସଫଳତାର ନୂଆ ଶୀର୍ଷକୁ ଛୁଇଁବା ଜାରୀ ରଖନ୍ତୁ ଓ ଅନ୍ୟ ମାନଙ୍କୁ ପ୍ରେରଣା ଦେଉଥାନ୍ତୁ । ମୋର ଶୁଭକାମନା ।
ସେହିପରି ଭାରତୀୟ ଖେଳ ପ୍ରାଧିକରଣର ଏକ ଟ୍ୱିଟର ଉତରରେ ପ୍ରଧାନମନ୍ତ୍ରୀ ଟ୍ୱିଟ କରି କହିଛନ୍ତି ଯେ – ସ୍ୱର୍ଣ ପଦକ ଜିତିବା କାରଣରୁ ଶ୍ରୀହର୍ଷ ଦେବରେଡ୍ଡୀ ଉପରେ ଗର୍ବିତ । ଆପଣ ସଫଳତାର ନୂଆ ଶୀର୍ଷକୁ ଛୁଇଁବା ଜାରୀ ରଖନ୍ତୁ ଓ ଅନ୍ୟ ମାନଙ୍କୁ ପ୍ରେରଣା ଦେଉଥାନ୍ତୁ । ମୋର ଶୁଭକାମନା ।
