-
ଗାଡି ଭଙ୍ଗାରୁଜା କଲେ, ଡ୍ରାଇଭରକୁ ନିସ୍ତୁକ ପିଟିଲେ ଉତ୍ୟେକ୍ତ ଲୋକେ
କେନ୍ଦ୍ରାପଡ଼ା, କେନ୍ଦ୍ରାପଡ଼ା-ଦାନପୁର ରାସ୍ତାର ହାଟବାଣପୁର ଝିଙ୍କଡ଼ି ଛକରେ ହାଇୱା ଧକ୍କାରେ ଜଣେ ନବମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ଘଟିଛି । ଛାତ୍ରୀ ଜଣକ ଆଜି ପୂର୍ବାହ୍ନରେ ଟ୍ୟୁସନରୁ ସାଇକେଲ ଯୋଗେ ଘରକୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଛି । ଘଟଣାରେ ଉତ୍ୟେକ୍ତ ଲୋକେ ହାଇୱା ନଂ ଓଡି୨୯ସି-୯୦୮୬କୁ ଭଙ୍ଗାରୁଜା କରିଛନ୍ତି । ଏପରିକି ଡ୍ରାଇଭରକୁ ବାନ୍ଧି ନିସ୍ତୁକ ପିଟିଛନ୍ତି । ଖବର ପାଇ ସଦର ଥାନା ପୋଲିସ ଘଟଣାସ୍ଥଳରେ ପହଂଚି ଉତ୍ୟେକ୍ତ ଲୋକଙ୍କୁ ବୁଝାସୁଝା କରିବା ପାଇଁ ଉଦ୍ୟମ ଚଳାଇଛି । ଘଟଣାସ୍ଥଳରେ ଚାପା ଉତେଜନା ଲାଗି ରହିଛି ।
