ବାଲି ବୋଝେଇ ହାଇୱା ଧକ୍କାରେ ଛାତ୍ରୀଙ୍କ ମୃତ୍ୟୁ :

• ଗାଡି ଭଙ୍ଗାରୁଜା କଲେ, ଡ୍ରାଇଭରକୁ ନିସ୍ତୁକ ପିଟିଲେ ଉତ୍ୟେକ୍ତ ଲୋକେ

କେନ୍ଦ୍ରାପଡ଼ା, କେନ୍ଦ୍ରାପଡ଼ା-ଦାନପୁର ରାସ୍ତାର ହାଟବାଣପୁର ନିକଟରେ ବାଲି ବୋଝେଇ ହାଇୱା ଧକ୍କାରେ ଜଣେ ନବମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ଘଟିଛି । ମୃତ ଛାତ୍ରୀଙ୍କ ଘର ସଦର ଥାନା ଅନ୍ତର୍ଗତ ହାଟବାଣପୁର ଗ୍ରାମରେ ଏବଂ ସେ ସୁବାଷ ଲେଙ୍କାଙ୍କ ଝିଅ ଲକ୍ଷ୍ମିପ୍ରିୟା ଲେଙ୍କା ବୋଲି ଜଣାପଡିଛି ।

ଲକ୍ଷ୍ମିପ୍ରିୟା ଆଜି ପୂର୍ବାହ୍ନରେ ଟ୍ୟୁସନରୁ ସାଇକେଲ ଯୋଗେ ଘରକୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଥିଲା । ଘଟଣାରେ ଉତ୍ୟେକ୍ତ ଲୋକେ ହାଇୱା ନଂ ଓଡି୨୯ସି-୯୦୮୬କୁ ଭଙ୍ଗାରୁଜା କରିଛନ୍ତି । ଏପରିକି ଡ୍ରାଇଭରକୁ ବାନ୍ଧି ନିସ୍ତୁକ ପିଟିଛନ୍ତି । ଖବର ପାଇ ସଦର ଥାନା ପୋଲିସ ଘଟଣାସ୍ଥଳରେ ପହଂଚି ଉତ୍ୟେକ୍ତ ଲୋକଙ୍କୁ ବୁଝାସୁଝା କରିବା ସହ ମୃତ ଛାତ୍ରୀଙ୍କ ଶବ ଜବତ କରି ବ୍ୟବଚ୍ଛେଦ ନିମନ୍ତେ ମେଡିକାଲକୁ ପଠାଇଛି । ଦୁର୍ଘଟଣାଗ୍ରସ୍ତ ବାଲିବୋଝେଇ ହାଇୱାକୁ ଜବତ କରିଛି ପୋଲିସ । ଏ ସଂକ୍ରାନ୍ତରେ ଏକ ମାମଲା ରୁଜ୍ଜୁ କରି ଡ୍ରାଇଭରକୁ ଥାନାରେ ଅଟକ ରଖି ପଚରା ଉଚୁରା ଚଳାଇଛି ।