ଜୟପୁର, ଅଭିନବ ଉପାୟରେ ଲୁଣ ବୋଝେଇ ଟ୍ରକ ରେ ଗଞ୍ଜେଇ ଚୋରା ଚାଲାଣକୁ ପଣ୍ଡ କରିବାରେ ସଫଳ ହୋଇଛି ଲମତାପୁଟ ପୋଲିସ । ଘଟଣାରେ ୩ ଜଣଙ୍କୁ ଗିରଫ କରାଯାଇଛି।
ବିଶେଷ ସୂତ୍ରରୁ ଖବର ପାଇ କୋରାପୁଟ ଏସପିଙ୍କ ନିର୍ଦେଶ କ୍ରମେ ନନ୍ଦପୁର ଏସ.ଡ଼ି.ପି.ଓ.ଙ୍କ ନେତୃତ୍ଵରେ ଲମତାପୁଟ ପୋଲିସ ଟୀକାପୁଟ ଗ୍ରାମ ନିକଟରେ ଏହି ଲୁଣ ବୋଝେଇ ଟ୍ରକ ଉପରେ ଚଢଉ କରିଥିଲା। ଟିକାପୁଟ ଗ୍ରାମ ନିକଟରେ ବିପୁଳ ପରିମାଣର ଗଞ୍ଜେଇ ଟ୍ରକରେ ଲଦିବା ପରେ ଏହା ଉପରେ ଲୁଣବସ୍ତା ରଖିଥିଲେ ମାଫିଆ ମାନେ । ଏହାକୁ ଟିକାପୁଟରୁ ଛତିଶଗଡ ଚାଲଣ ପାଇଁ ପ୍ରସ୍ତୁତ ଚାଲିଥିବା ବେଳେ ମାଡି ବସିଥିଲା ଲମତାପୁଟ ପୋଲିସ । ଘଟଣାରେ ୩ ଜଣ ଗଞ୍ଜେଇ ମାଫିଆଙ୍କୁ ଗିରଫ କରାଯାଇଛି। ଅନ୍ଧାରର ସୁଯୋଗ ନେଇ ଅନ୍ୟ ୨ ମାଫିଆ ସେଠାରୁ ଚମ୍ପଟ ମାରିବାରେ ସଫଳ ହୋଇଥିବା ବେଳେ ଟ୍ରକକୁ ଜବତ କରିଥିଲା ପୋଲିସ । ଟ୍ରକ ରୁ ଲୁଣ ଖାଲି କରିବା ପରେ ୨୨୩ ଟି ବସ୍ତାରେ ପ୍ରାୟ ୫ ଟନ ରୁ ଅଧିକ ଗଂଜେଇ ଥିଲା। ଏହାର ମୂଲ୍ୟ ପ୍ରାୟ ୫ କୋଟି ଟଙ୍କା ହେବ ବୋଲି ପୋଲିସ କହଛି । ଗିରଫ ଅଭିଯୁକ୍ତ ମାନେ ହେଲେ ମାଛକୁଣ୍ଡ ଥାନା ଅଞ୍ଚଳର ସୁଦର୍ଶନ ଲେନ୍ଦ୍ରୁ, ଉତର ପ୍ରଦେଶର ଉମେଶ ବାବୁ ଏବଂ ସିଂହ ପାଲ ବୋଲି ଜଣାପଡ଼ିଛି । ଅଭିଯୁକ୍ତ ମାନଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ପୋଲିସ ସୂତ୍ରରୁ ଖବର ମିଳିଛି।
