ଗଞ୍ଜାମ,ଗଞ୍ଜାମ ଜିଲ୍ଲା ତାରାସିଂଙ୍ଗି ଥାନା ଅନ୍ତର୍ଗତ ଦୋମୁହାଣୀ ଗ୍ରାମ ଝାଞ୍ଜିରୀ ସାହିରେ ଗତ ରାତିରେ ଚୋର ମାନେ ଲଗାତାର ୬ ଜଣଙ୍କ ଘରେ ପଶି ଲୁଟ୍ କରି ଫେରାର୍ ହୋଇଯାଇଛନ୍ତି । ଚୋର ସମସ୍ତଙ୍କ ଘରର ବାରିପଟ କବାଟକୁ ଭାଙ୍ଗି ଘର ଭିତରେ ପଶିଥିବା ଜଣାପଡିଛି । ସମସ୍ତଙ୍କ ଘରୁ ଚୋରି ହୋଇଥିବା ସୁନାର ପରିମାଣ ପ୍ରାୟ୧୦ ତୁଳା ହୋଇଥିବା ବେଳେ ନଗଦ ୧ ଲକ୍ଷ ଟଙ୍କା ଚୋରି ହୋଇଥିବା ଜଣାପଡିଛି । ଘଟଣାସ୍ଥଳରେ ତାରାସିଂଙ୍ଗ, ଗାଲେରୀ ପୋଲିସ ପହଂଚି ତଦନ୍ତ ଆରମ୍ଭ କରିଛି । ସାହିର ସନ୍ୟାସୀ ଗୌଡ଼, କାହ୍ନୁ ଗୌଡ଼, ଗୌର ପଲେଇ, ବୈଷମ ବେହେରା, ସୁନୀଳ ଗୌଡ଼, ସନ୍ତୋଷ ଗୌଡ଼ ଏମାନଙ୍କ ଘରୁ ସୁନା ହାର, ଖାସୁଲ, ମୁଦି, କାନ ଫୁଲ, ଟଙ୍କା ଚୋରିଯାଇଛି । ଘଟଣାରେ ଏକ ବଡ ଚୋରି ଗ୍ୟାଙ୍କର ସମ୍ପୃକ୍ତି ରହିଥିବା ଅନୁମାନ କରାଯାଉଛି ।
