ଗଞ୍ଜାମ,ଉତର ଘୁମୁସର ବନଖଣ୍ଡ ମୁଜାଗଡ଼ ରେଞ୍ଜର ବାହାଡ଼ାପଦର ଗ୍ରାମରୁ ଶନିବାର ସକାଳ ସମୟରେ ଏକ କୁଟୁରା ଛୁଆକୁ ବନ ବିଭାଗ ପକ୍ଷରୁ ଉଦ୍ଧାର କରାଯାଇଛି । କୁଟୁରା ଛୁଆଟି ନିକଟସ୍ଥ ନଦୀ ପଠାରେ ବୁଲୁଥିବା ବେଳେ କିଛି କୁକୁର ତାକୁ ଗୋଡ଼ାଇ ଥିଲେ । ଜୀବନ ବିକଳରେ କୁଟୁରା ଛୁଆଟି ଗ୍ରାମର ଜଣଙ୍କ ଘରେ ପଶି ଯାଇଥିଲା । ଗ୍ରାମବାସୀ ବନ ବିଭାଗକୁ ଖବର ଦେବା ପରେ ବନରକ୍ଷୀ ସୁଶାନ୍ତ କୁମାର ମିଶ୍ର, ଭିକାରୀ ବିଷୋୟୀ, ସଞ୍ଜୟ ସ୍ଵାଇଁ ପ୍ରମୁଖ ପହଂଚି ସୁରକ୍ଷିତ ଭାବେ କୁଟୁରାଟିକୁ ଉଦ୍ଧାର କରିଥିଲେ । ପ୍ରାଥମିକ ଚିକିତ୍ସା ପରେ କୁଟୁରା ଛୁଆଟି ସୁସ୍ଥ ଥିବାରୁ ତାକୁ ଗାଲେରୀ ସଂରକ୍ଷିତ ଜଙ୍ଗଲରେ ବନ ବିଭାଗ ପକ୍ଷରୁ ଛଡ଼ାଯାଇଛି ।
