-
୧୨ ଜଣ ସୁସ୍ଥ ହୋଇ ଘରକୁ ଫେରିଲେ, ୩ ଜଣ ଏବେ ବି ଚିକିତ୍ସାଧିନ
ଗଞ୍ଜାମ,କଳିଙ୍ଗା ଘାଟିରେ ଟୁରିଷ୍ଟ ବସ୍ ଦୁର୍ଘଟଣାରେ ଆହତ ହୋଇ ମେଡିକାଲରେ ଚିକିତ୍ସିତ ୧୨ ଜଣ ଏବେ ସୁସ୍ଥ ହୋଇ ଘରକୁ ଫେରିଛନ୍ତି । ୩ ଜଣ ଏବେ ବି ବ୍ରହ୍ମପୁର ବଡ ମେଡିକାଲରେ ଚିକିତ୍ସାଧିନ ଅଛନ୍ତି ।
ପ୍ରକାଶ ଥାଉ କି, ଗତ ୨୪ ତାରିଖ ବିଳମ୍ବିତ ରାତିରେ ଗଞ୍ଜାମ – କନ୍ଧମାଳ ସୀମାନ୍ତ କଳିଙ୍ଗା ଘାଟିର ଶେଷ ପୋଲ ତଥା ଦୁର୍ଗା ପ୍ରସାଦ ନିକଟରେ ଭାରସାମ୍ୟ ହରାଇ ବସ୍ ଟି ଓଲଟି ପଡିଥିଲା । ଏଥିରେ ୬ ଜଣଙ୍କ ମୃତ୍ୟୁ ଘଟିଥିବା ବେଳେ ୫୦ରୁ ଉର୍ଦ୍ଧ୍ଵ ଆହତ ହୋଇଥିଲେ । ୭୦ ଜଣ ଯାତ୍ରୀଙ୍କୁ ନେଇ ଏହି ଟୁରିଷ୍ଟ ବସ୍ ଟି କନ୍ଧମାଳ ଜିଲ୍ଲା ଦାରିଙ୍ଗବାଡ଼ିରୁ ବିଶାଖାପାଟଣା ଅଭିମୁଖେ ଯାଉଥିବା ବେଳେ ଏଠାରେ ଦୁର୍ଘଟଣାଗ୍ରସ୍ତ ହୋଇଥିଲା । ମୃତାହତ ମାନେ ସମସ୍ତେ ପଶ୍ଚିମବଙ୍ଗ ସୁଲତାନପୁର ଗ୍ରାମର ବୋଲି ଜଣାପଡିଛି ।
