-
ଅଭିଯୁକ୍ତ ଚନ୍ଦନ ବାରିକ ଗିରଫ
ଶ୍ରୀମନ୍ଦିର ସମ୍ମୁଖ ଏମାର ମଠ ଅଞ୍ଚଳରେ ଫୁଟିଲା ଗୁଳି । ବଡଦାଣ୍ଡରେ ଯୁବକଙ୍କୁ ଗୁଳିମାଡ କଲେ ଦୁର୍ବତ୍ତ । ଗୁଳିମାଡରେ ଲୋକନାଥଙ୍କ ସେବାୟତ ଶିବରାମ ପାତ୍ରଙ୍କ ମୃତ୍ୟୁ ହୋଇଥିବା ସୂଚନା ମିଳିଛି ।ପୂର୍ବ ଶତ୍ରୁତାରୁ ଗୁଳିମାଡ଼ ହୋଇଛି ବୋଲି ସନ୍ଦେହ କରାଯାଇଛି । ପୁରୀ ଏମାର ମଠ ନିକଟ କାକୁଡ଼ିଖାଇ ଛକରେ ଏହି ଗୁଳିମାଡ଼ ହୋଇଛି ।ତଳୁଚ୍ଛ ସାହିର ଲୋକନାଥ ମନ୍ଦିରର ସେବାୟତ ଶିବରାମ ପାତ୍ରଙ୍କ ଉପରକୁ ୨ ଜଣ ଦୁର୍ବୃତ୍ତ ୨ ରାଉଣ୍ଡ ଗୁଳି କରିଥିବା ସୂଚନା ମିଳିଛି । ଶିବାରମଙ୍କ ମୁଣ୍ଡରେ ଗୋଟିଏ ରାଉଣ୍ଡ ଗୁଳି ବାଜିଥିଲା।ବାଇକ୍ରେ ଆସି ଦୁଇ ରାଉଣ୍ଡ ମୁଳିମାଡ଼ କରି ଦୁର୍ବୃତ୍ତ ଫେରାର ହୋଇଯାଇଥିଲେ। ଶିବରାମଙ୍କୁ ଗୁରୁତର ଅବସ୍ଥାରେ ପୁରୀ ମେଡିକାଲରେ ଭର୍ତ୍ତି କରାଯାଇଥିଲା ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଗୁଳିମାଡ ଖବର ପାଇ ପୁଲିସ ତଦନ୍ତ କରୁଥିବା ବେଳେ ଘଟଣା ସ୍ଥଳରେ ଅତିରିକ୍ତ ଏସ୍ପି ତଦନ୍ତ କରୁଛନ୍ତି ।ଦୁଇ ଦୁର୍ବୁତ୍ତଙ୍କ ମଧ୍ୟରୁ ୨୭ ବର୍ଷୀୟ ଅଭିଯୁକ୍ତ ଚନ୍ଦନ ବାରିକକୁ ପୋଲିସ ଗିରଫ କରିଛି |
