ନୂଆଦିଲ୍ଲୀ, ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଜାପାନର ପ୍ରଧାନମନ୍ତ୍ରୀ ମାନ୍ୟବର ଶ୍ରୀ ଫୁମିଓ କିଶିଦାଙ୍କ ସହ ଦ୍ୱିପାକ୍ଷିକ ବୈଠକ କରିଛନ୍ତି । ପ୍ରଧାନମନ୍ତ୍ରୀ କିଶିଦା ମଧ୍ୟ ପ୍ରଧାନମନ୍ତ୍ରୀଙ୍କ ପାଇଁ ରାତ୍ରୀ ଭୋଜନର ଆୟୋଜନ କରିଥିଲେ । ବିଭିନ୍ନ କ୍ଷେତ୍ରରେ ଦ୍ୱିପାକ୍ଷିକ ସମ୍ପର୍କ ବଢାଇବା ସହିତ କିଛି ଆଞ୍ଚଳିକ ଏବଂ ବିଶ୍ୱ ସ୍ତରୀୟ ପ୍ରସଙ୍ଗରେ ସେମାନଙ୍କର ଫଳପ୍ରଦ ମତ ବିନିମୟ ହୋଇଥିଲା ।
ପ୍ରତିରକ୍ଷା ଉତ୍ପାଦନ କ୍ଷେତ୍ରରେ ଦ୍ୱିପାକ୍ଷିକ ସୁରକ୍ଷା ଏବଂ ପ୍ରତିରକ୍ଷା ସହଯୋଗକୁ ଆହୁରି ବଢାଇବାକୁ ଦୁଇ ନେତା ରାଜି ହୋଇଥିଲେ । ସେମାନେ ଏକମତ ହୋଇଛନ୍ତି ଯେ ଖୁବ୍ଶୀଘ୍ର ଜାପାନରେ ପରବର୍ତ୍ତୀ ବୈଦେଶିକ ଏବଂ ପ୍ରତିରକ୍ଷା ମନ୍ତ୍ରୀସ୍ତରୀୟ ଦ୍ୱିପାକ୍ଷିକ ବୈଠକ ଅନୁଷ୍ଠିତ ହୋଇପାରେ ।
ଦୁଇ ଦେଶ ମଧ୍ୟରେ ବଢୁଥିବା ଅର୍ଥନେତିକ ସମ୍ପର୍କକୁ ଦୁଇ ନେତା ପ୍ରଶଂସା କରିଛନ୍ତି । ସେମାନେ ସହମତ ହୋଇଥିଲେ ଯେ ସରକାରୀ ଏବଂ ବେସରକାରୀ କ୍ଷେତ୍ରରେ ୫ ଟ୍ରିଲିୟନ ୟେନ ପୁଞ୍ଜି ବିନିଯୋଗ ଏବଂ ଆସନ୍ତା ପାଞ୍ଚ ବର୍ଷ ମଧ୍ୟରେ ଜାପାନରୁ ଭାରତକୁ ଆର୍ଥିକ ସହାୟତା ପାଇଁ ଥିବା ନିଷ୍ପତ୍ତିକୁ କାର୍ଯ୍ୟକାରୀ କରିବା ଦିଗରେ ଉଭୟ ପକ୍ଷ ମିଳିତ ଭାବରେ କାର୍ଯ୍ୟ କରିବା ଉଚିତ । ଗତି ଶକ୍ତି ପଦକ୍ଷେପ ମାଧ୍ୟମରେ ବ୍ୟବସାୟରେ ସହଜତା, ଲଜିଷ୍ଟିକ୍ସକୁ ସୁଦୃଢ଼ କରିବା ପାଇଁ ଭାରତ ସରକାରଙ୍କ ଦ୍ୱାରା ନିଆଯାଇଥିବା ପଦକ୍ଷେପ ଉପରେ ପ୍ରଧାନମନ୍ତ୍ରୀ ଆଲୋକପାତ କରିଥିଲେ ଏବଂ ଭାରତରେ ଜାପାନ କମ୍ପାନୀଗୁଡିକ ଦ୍ୱାରା ଅଧିକ ପୁଞ୍ଜି ବିନିଯୋଗକୁ ସମର୍ଥନ କରିବାକୁ ପ୍ରଧାନମନ୍ତ୍ରୀ କିଶିଦାଙ୍କୁ ଅନୁରୋଧ କରିଥିଲେ । ଏହିପରି ବିନିଯୋଗ ସ୍ଥିର ଯୋଗାଣ ଶୃଙ୍ଖଳା ସୃଷ୍ଟି କରିବାରେ ସାହାଯ୍ୟ କରିବ ଏବଂ ପାରସ୍ପରିକ ଲାଭଦାୟକ ହେବ । ଏହି ପରିପ୍ରେକ୍ଷୀରେ ପ୍ରଧାନମନ୍ତ୍ରୀ ମୋଦୀ ଜାପାନ କମ୍ପାନୀଗୁଡିକ ପ୍ରଶଂସା କରିଛନ୍ତି ଯେ ସେମାନେ ଭାରତରେ ପୁଞ୍ଜି ବିନିଯୋଗ ବୃଦ୍ଧି କରୁଛନ୍ତି ଏବଂ ୨୪ ଟି ଜାପାନୀ କମ୍ପାନୀ ବିଭିନ୍ନ ପିଏଲ୍ଆମଇ ଯୋଜନାରେ ସଫଳତାର ସହ ଆବେଦନ କରିଛନ୍ତି ।
ଏହି ଦୁଇ ନେତା ମୁମ୍ବାଇ-ଅହମ୍ମଦାବାଦ ହାଇ ସ୍ପିଡ୍ ରେଳ (ଏମଏଏଚ୍ଏାସ୍ଆ ର) ପ୍ରକଳ୍ପ କାର୍ଯ୍ୟକାରୀ କରିବାରେ ଅଗ୍ରଗତି ବିଷୟରେ ଉଲ୍ଲେଖ କରିଛନ୍ତି ଏବଂ ଏହି ପ୍ରକଳ୍ପ ପାଇଁ ତୃତୀୟ ଦଫାର ଋଣ ପ୍ରଦାନକୁ ସ୍ୱାଗତ କରିଛନ୍ତି । ଦୁଇ ନେତା ସୂଚନା ଏବଂ ଯୋଗାଯୋଗ ପ୍ରଯୁକ୍ତିବିଦ୍ୟାର ବଢୁଥିବା ଗୁରୁତ୍ୱକୁ ଉତ୍ଥାଛପନ କରିଥିଲେ ଏବଂ ଏହି ପରିପ୍ରେକ୍ଷୀରେ ପରବର୍ତ୍ତୀ ପୀଢିର ଯୋଗାଯୋଗ ପ୍ରଯୁକ୍ତିର ବିକାଶରେ ଦୁଇ ପକ୍ଷର ଘରୋଇ କ୍ଷେତ୍ର ମଧ୍ୟରେ ଅଧିକ ସହଯୋଗକୁ ଉତ୍ସାହିତ କରିବାକୁ ସହମତ ହୋଇଥିଲେ । ସେମାନେ ୫ଜି, ୫ଜି ବାହାରେ ଏବଂ ସେମିକଣ୍ଡକ୍ଟର ଭଳି ଜଟିଳ ଏବଂ ଉଦୀୟମାନ ପ୍ରଯୁକ୍ତିବିଦ୍ୟାରେ ସହଯୋଗର ସମ୍ଭାବନା ବିଷୟରେ ମଧ୍ୟ ଆଲୋଚନା କରିଥିଲେ । ସବୁଜ ହାଇଡ୍ରୋଜେନ ସମେତ ସ୍ୱଚ୍ଛ ଶକ୍ତି କ୍ଷେତ୍ରରେ ସହଯୋଗକୁ ଆହୁରି ମଜୁବୁତ କରିବାକୁ ଦୁଇ ପ୍ରଧାନମନ୍ତ୍ରୀ ମଧ୍ୟ ସହମତ ହୋଇଥିଲେ ଏବଂ ଏହି ପରିପ୍ରେକ୍ଷୀରେ ବ୍ୟବସାୟିକ ସହଯୋଗକୁ ଅଧିକ ଉତ୍ସାହିତ କରିଥିଲେ ।
ଲୋକଙ୍କ ପାରସ୍ପରିକ ସମ୍ପର୍କକୁ ଆହୁରି ବୃଦ୍ଧି କରିବାକୁ ଦୁଇ ନେତା ରାଜି ହୋଇଥିଲେ । ପ୍ରଧାନମନ୍ତ୍ରୀ କିଶିଦା କହିଛନ୍ତି ଯେ ଏହିପରି ସଂଯୋଗ ଦ୍ୱିପାକ୍ଷିକ ସମ୍ପର୍କର ମେରୁଦଣ୍ଡ ହେବା ଉଚିତ । ଏହି ପରିପ୍ରେକ୍ଷୀରେ, ସେମାନେ ର୍ନିଦ୍ଦିଷ୍ଟ କୁଶଳୀ ଶ୍ରମିକ (ଏସ୍ଏେସ୍ଡ୍ବ୍ଲ୍ୟୁ) କାର୍ଯ୍ୟକ୍ରମର କାର୍ଯ୍ୟାନ୍ୱୟନର ଅଗ୍ରଗତି ଉପରେ ଧ୍ୟାନ ଦେଇଥିଲେ ଏବଂ ଏହି କାର୍ଯ୍ୟକ୍ରମକୁ ଆହୁରି ବ୍ୟାପକ କରିବାକୁ ରାଜି ହୋଇଥିଲେ । କୋଭାକ୍ସିନ ଏବଂ କୋଭିସିଲ୍ଡ ଟୀକାକରଣ ପ୍ରମାଣପତ୍ର ନେଇ ଭାରତରୁ ଯାତ୍ରୀମାନଙ୍କ ପାଇଁ ଜାପାନରେ ପ୍ରବେଶକୁ ସୁଗମ କରିବା ପାଇଁ ପ୍ରଧାନମନ୍ତ୍ରୀ ମୋଦୀ ଯାତ୍ରା ପ୍ରତିବନ୍ଧକକୁ ଆହୁରି ସହଜ କରିବା ପ୍ରସଙ୍ଗ ଉଠାଇଛନ୍ତି । ଦୁଇ ନେତା ଏକମତ ହୋଇଥିଲେ ଯେ ଭାରତର ଉତ୍ତର ପୂର୍ବ ଅଞ୍ଚଳର ବିକାଶକୁ ପ୍ରାଥମିକତା ଦେବାରେ ଭାରତ-ଜାପାନ ଅଧିନିୟମ ପୂର୍ବ ଫୋରମ୍ ଉପଯୋଗୀ ଥିଲା ଏବଂ ବାର୍ଷିକ ସମ୍ମିଳନୀରେ ଉଭୟ ପକ୍ଷ ଚିହ୍ନଟ କରିଥିବା ବିଭିନ୍ନ ପ୍ରକଳ୍ପର ଶୀଘ୍ର କାର୍ଯ୍ୟକାରିତାକୁ ଅପେକ୍ଷା କରିଛନ୍ତି ।
ସମ୍ପ୍ରତି ବିଶ୍ୱ ତଥା ଆଞ୍ଚଳିକ ବିକାଶ ଉପରେ ଦୁଇ ନେତା ମତ ବିନିମୟ କରିଛନ୍ତି । ସେମାନେ ଭାରତ-ପ୍ରଶାନ୍ତ ମହାସାଗରରେ ଥିବା ନିଜସ୍ୱ ଆଭିମୁଖ୍ୟରେ ସମ୍ମିଶ୍ରଣକୁ ଲକ୍ଷ୍ୟ କରିବା ସହିତ ଏକ ମୁକ୍ତ, ଖୋଲା ଏବଂ ଅନ୍ତର୍ଭୂକ୍ତ ଭାରତ-ପ୍ରଶାନ୍ତ ମହାସାଗରୀୟ ଅଞ୍ଚଳ ପ୍ରତି ସେମାନଙ୍କର ପ୍ରତିବଦ୍ଧତାକୁ ପୁନଃ ପ୍ରମାଣିତ କରିଛନ୍ତି । ଏହି ପରିପ୍ରେକ୍ଷୀରେ, ସେମାନେ କ୍ୱାଡର ସମସାମୟିକ ତଥା ଗଠନମୂଳକ ଏଜେଣ୍ଡା ଯଥା ଟିକା, ଛାତ୍ରବୃତ୍ତି, ଜଟିଳ ପ୍ରଯୁକ୍ତିବିଦ୍ୟା ଏବଂ ଭିତ୍ତିଭୂମିର ଅଗ୍ରଗତିକୁ ସ୍ୱାଗତ କରିଥିଲେ ।
ଏହି ଗସ୍ତ ସମୟରେ ତାଙ୍କର ତଥା ତାଙ୍କ ପ୍ରତିନିଧୀଙ୍କ ସଦସ୍ୟଙ୍କ ପ୍ରତି ଆନ୍ତରିକତା ଏବଂ ଆତିଥ୍ୟ ପାଇଁ ପ୍ରଧାନମନ୍ତ୍ରୀ କିଶିଦାଙ୍କୁ ପ୍ରଧାନମନ୍ତ୍ରୀ ମୋଦୀ ଧନ୍ୟବାଦ ଅର୍ପଣ କରିଛନ୍ତି । ପରବର୍ତ୍ତୀ ବାର୍ଷିକ ଦ୍ୱିପାକ୍ଷିକ ସମ୍ମିଳନୀ ପାଇଁ ପ୍ରଧାନମନ୍ତ୍ରୀ କିଶିଦା ପ୍ରଧାନମନ୍ତ୍ରୀ ମୋଦୀଙ୍କୁ ଜାପାନ ଗସ୍ତରେ ଆସିବାପାଇଁ ନିମନ୍ତ୍ରଣ କରିଥିଲେ ଯାହା ଆନନ୍ଦରେ ଗ୍ରହଣ କରାଯାଇଥିଲା ।
