ନୂଆପଡ଼ା, ନୂଆପଡା ଜ଼ିଲ୍ଲା ସିନାପାଲି ଥାନା ରାବଣ ଛକ ପାଖରେ ଗାଡି ପାର୍କିଂକୁ ନେଇ ବଚସା ହୋଇଥିଲା । ଏହି ଘଟଣାରେ ଜଣେ ବାଇକ ଆରୋହୀ ବାପା ପୁଅକୁ ଗାଳି ଗୁଲଜ କରିଥିବା ବେଳେ ମାଡ଼ ମାରିଥିଲା । ଘଟଣା ତୀବ୍ର ରୂପ ନେବାରୁ ବାପା ପୁଅଙ୍କୁ ଗୁଳିମାଡ ହୋଇଥିବା ଅଭିଯୋଗ ହୋଇଛି । ବାପପୁଅଙ୍କ ଜଙ୍ଘରେ ଗୁଳି ବାଜିଛି । ଗୁରୁତର ଆହତମାନେ ହେଲେ ବାପା ସରୋଜ ମେହେର ଓ ତାଙ୍କ ପୁଅ ନବରଞ୍ଜନ ମେହେର । ଗୁରୁତର ଅବସ୍ଥାରେ ଦୁଇ ଜଣଙ୍କୁ ଖରିଆର ମିଶନ ହିସ୍ପିଟାଲରେ ଭର୍ତି କରାଯାଇଛି । ଦୁଇଜଣଙ୍କ ସ୍ୱାସ୍ଥ୍ୟ ଅବସ୍ଥା ଠିକ ଥିବା ଜଣାପଡିଛି । ଅପର ପକ୍ଷେ ଘଟଣା ସ୍ଥଳରୁ ଗୁଳି ଚାଳନା କରିଥିବା ଅଭିଯୁକ୍ତ ରାଜା ପାଣିଗ୍ରାହୀ ଫେରାର ହୋଇଯାଇଛି । ସିନାପାଲି ପୋଲିସ ଘଟଣାର ତଦନ୍ତ କରୁଥିବା ସିନାପାଲି ଥାନା ଅଧିକାରୀ ଡ଼ମ୍ବରୁଧର ପ୍ରଧାନ ପ୍ରକାଶ କରିଛନ୍ତି ।
ପରେ ଫେରାର ଅଭିଯୁକ୍ତଙ୍କୁ ପଡୋଶୀ ରାଜ୍ୟ ଛତିଶଗଡ଼ ଦେଭୋଗ ଥାନାରୁ ଗିରଫ କରାଯାଇଛି । ତାଙ୍କ ନାଁରେ ଦୁଇ ଗୋଟି ମାମଲା ରୁଜୁ ହେବ ବୋଲି ଖଡ଼ିଆଳ ଏସଡିପିଓ ସନ୍ତକ ଜେନା ପ୍ରକାଶ କରିଛନ୍ତି । ସିନାପାଲି ଥାନରେ ୩୦୭, ସହ ଆର୍ମ ଆଇନରେ ମାମଲା ରୁଜୁ ହୋଇଛି । ସେହିପରି ଦେଭୋଗ ଥାନାରେ ମଧ୍ୟ ଆର୍ମ ଆଇନ ରେ ଏକ ମାମଲା ରୁଜୁ ହୋଇଅଛି । ବ୍ୟବହାର ହୋଇଥିବା ବନ୍ଧୁକକୁ ଫରେନସିକ ଯାଞ୍ଚ ପାଇଁ ପଠାଯିବ ବୋଲି ସୂଚନା ଦିଆଯାଇଛି ।
