-
୨ ଲକ୍ଷ ୧୪ ହଜାର ୮୭୮ ଜଣ ଭୋଟର ଦେବେ ଭୋଟ
-
୫ଟି ପିଙ୍କ୍ ବୁଥ୍କୁ ମିଶାଇ ମୋଟ ୨୭୯ ବୁଥ୍ରେ ହେବ ଭୋଟ ଗ୍ରହଣ
ଭୁବନେଶ୍ୱର,ବ୍ରଜରାଜନଗର ବିଧାନସଭା ପାଇଁ ହେବାକୁ ଥିବା ଉପ ନିର୍ବାଚନରେ ଚଳିତ ଥର ୧୩୩ ନୂଆ ମତଦାତା ସମେତ ୨ ଲକ୍ଷ ୧୪ ହଜାର ୮୭୮ ଜଣ ସେମାନଙ୍କର ମତାଧିକାର ପ୍ରୟୋଗ କରିବେ । ବ୍ରଜରାଜନଗର ଉପ ନିର୍ବାଚନର ଭୋଟ୍ ଗ୍ରହଣର ପ୍ରସ୍ତୁତି ସମ୍ପର୍କରେ ସୂଚନା ଦେଇ ରାଜ୍ୟର ମୁଖ୍ୟ ନିର୍ବାଚନ ଅଧିକାରୀ ସୁଶୀଲ ଲୋହାନୀ ଏହି ସୂଚନା ଦେଇଛନ୍ତି ।
ସେ କହିଛନ୍ତି ଯେ ଏହି ଉପ ନିର୍ବାଚନ ପାଇଁ ତିନି ଜଣ ପ୍ରାର୍ଥୀ ସେମାନଙ୍କର ପ୍ରାର୍ଥୀପତ୍ର ପ୍ରତ୍ୟାହାର କରିବା ପରେ ଏବେ ୧୧ ଜଣ ପ୍ରାର୍ଥୀ ପ୍ରତିଦ୍ୱନ୍ଦିତା କରୁଛନ୍ତି । ସେ କହିଛନ୍ତି ଯେ ଏହି ଉପ ନିର୍ବାଚନ ପାଇଁ ୫ଟି ପିଙ୍କ୍ ବୁଥ୍କୁ ମିଶାଇ ମୋଟ ୨୭୯ ବୁଥ୍ରେ ଭୋଟ ଗ୍ରହଣ କରାଯିବ ।
ସେ କହିଛନ୍ତି ଯେ ୫୦ ପ୍ରତିଶତ ମତଦାନ କେନ୍ଦ୍ରରେ ୱେବକାଷ୍ଟିଂ ଓ ଭିଡିଓ ଗ୍ରାଫି କରାଯିବାକୁ ସୁନିଶ୍ଚିତ କରାଯିବ ।
