ଗଞ୍ଜାମ, ଘରେ ଶୋଇଥିବା ବେଳେ କାନ୍ଥ ଭୁଶୁଡ଼ି ଜଣେ ନାବାଳକର ମୃତ୍ୟୁ ଘଟିଛି । ଗତକାଲି ବିଳମ୍ବିତ ରାତିରେ ଏଭଳି ଏକ ଅଭାବନୀୟ ଘଟଣା ଘଟିଯାଇଛି ବ୍ରହ୍ମପୁର ଟାଉନ୍ ଥାନା ଅନ୍ତର୍ଗତ ଗେଟ୍ ବଜାରର କେନାଲ ସାହିରେ । ନୂଆ କରି ନିର୍ମାଣ ପାଇଁ ଘରର ଗୋଟିଏ ପଟ କାନ୍ଥ ଭାଙ୍ଗି ଅନ୍ୟ ପଟେ ରହିଥିଲେ ପରିବାର ଲୋକେ, ତେବେ ବିଳମ୍ବିତ ରାତିରେ ଘରର କାନ୍ଥ ଭୁଶୁଡ଼ି ପଡିବାରୁ ଏହା ତଳେ ଚାପି ହୋଇ ନାବାଳକର ମୃତ୍ୟୁ ଘଟିଛି । ଖବର ପାଇ ବ୍ରହ୍ମପୁର ଟାଉନ୍ ଥାନା ପୋଲିସ ଘଟଣାସ୍ଥଳରେ ପହଂଚି ନାବାଳକର ମୃତଦେହ ଉଦ୍ଧାର କରିବା ସହ ଏହାକୁ ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡ ମେଡିକାଲକୁ ପଠାଇଛି । ଏ ସଂକ୍ରାନ୍ତରେ ଏକ ଅପମୃତ୍ୟୁ ମାମଲା ରୁଜ୍ଜୁ କରି ଘଟଣାର ତଦନ୍ତ ଚଳାଇଛି ।
