କନ୍ଧମାଳ, ଆଜି ଠାରୁ ପୋଲିସ ଓ ପ୍ରେସ ମଧ୍ୟରେ ୩ ଦିନିଆ ସମର କ୍ରିକେଟ ସିରିଜ ମ୍ୟାଚ ଆରମ୍ଭ ହୋଇଛି। ଏହି ମ୍ଯାଚ ତିନିଦିନ ଧରି ଚାଲିବ। ପୋଲିସ ଓ ଗଣମାଧ୍ୟମ ମଧ୍ୟରେ ସଦ୍ଭାବନା ଓ ସୁ ସମ୍ପର୍କ ବୃଦ୍ଧି କରିବା ଦିଗରେ ଏହି ଖେଳ ସହାୟକ ହେବ। ପନ୍ଦର ଓଭର ବିଶିଷ୍ଟ ଏହି ମ୍ଯାଚ ରେ ଟସ ଜିତି ପ୍ରଥମେ ପ୍ରେସ କ୍ଲବ ବ୍ୟାଟିଂ କରିଥିଲା ଏବଂ ମୋଟ ୫୬ ରନ ସଂଗ୍ରହ କରି ଅଲ ଆଉଟ ହୋଇଯାଇଥିଲେ।
ସେହିପରି ପୋଲିସ ଟିମ ଧୁଆଂଧାର ବେଟିଂ କରି ମାତ୍ର ଦୁଇ ଉଇକେଟ ହରାଇ ବିଜୟ ଲକ୍ଷ୍ୟ ହାସଲ କରିଥିଲା। ପୋଲିସ ଆର ଆଇ ଧର୍ମେନ୍ଦ୍ର ପ୍ରଧାନ ଟିମ ର ନେତୃତ୍ଵ ନେଇ ନିଜେ ମଧ୍ୟ ସୁନ୍ଦର ଭାବେ ଖେଳି ତାଙ୍କର ଟିମ କୁ ବିଜୟୀ କରାଇଥିଲେ। ପ୍ରେସ ଟିମ କ୍ୟାପଟେନ ଶିବ ସୁନ୍ଦର ନାୟକ ଓ ଭାଇସ କ୍ୟାପଟେନ ବାଳ କୃଷ୍ଣ ଚର୍ଚି ଓ ଅନ୍ୟ ଖେଳାଳି ମାନେ ଭଲ ଖେଳ ପ୍ରଦର୍ଶନ କରିଥିଲେ। ହେଲେ ମଧ୍ୟ ପ୍ରେସ୍ ଏକାଦଶ ଟିମ୍ ମ୍ଯାଚ ଜିତିବାରେ ବିଫଳ ହୋଇଥିଲେ।
ଅନ୍ୟ ମାନଙ୍କ ମଧ୍ୟରେ ପ୍ରେସ କ୍ଲବ ସଭାପତି ସୁନୀଲ ପଟନାୟକ, ସମ୍ପାଦକ ପ୍ରଶାନ୍ତ ବେହେରା, ରମେଶ ପ୍ରଧାନ, ଶିବରାମ ନାୟକ, ଅଜିତ ମହାରଣା, ଜୟସେନ ପରିଡା, ବିକାଶ ମିଶ୍ର, ରଞ୍ଜିତ ନାୟକ ପ୍ରମୁଖ ଉପସ୍ଥିତ ଥିଲେ।
