ଗଞ୍ଜାମ, ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ଥାନା ଅନ୍ତର୍ଗତ ଶାସନ ଆମ୍ବଗାଁରେ ଗତ ଦୁଇ ଦିନ ମଧ୍ୟରେ ପାଗଳ ବିଲୁଆ କାମୁଡ଼ାରେ ୬ ଜଣ ଆହତ ହୋଇଥିବା ଜଣାପଡିଛି । ଯାହାକୁ ନେଇ ଅଂଚଳରେ ଲୋକଙ୍କ ମଧ୍ୟରେ ଭୟ ଓ ଆତଙ୍କ ସୃଷ୍ଟି ହୋଇଛି । ଆହତ ମାନେ ହେଲେ ବିନୋଦ ସାହୁ (୬୨), ଯୁଧିଷ୍ଠିର ଜେନା (୬୦), ମେଳା ସେଠୀ (୪୫), ସୁଦେଷ୍ଣା ଜେନା (୫୫), ନିର ରାଉତ (୫୦) ଏବଂ ଅପୂର୍ବା ଜେନା (୫୦) । ଏମାନେ କ୍ଷେତରେ କାମ କରୁଥିବା ବେଳେ ଏହି ପାଗଳ ବିଲୁଆ କାମୁଡ଼ାର ଶିକାର ହୋଇଥିଲା । ଆହତ ମାନଙ୍କୁ ଚିକିତ୍ସା ନିମନ୍ତେ ହିଞ୍ଜିଳିକାଟୁ ଗୋଷ୍ଠି ସ୍ଵାସ୍ଥ୍ୟକେନ୍ଦ୍ରରେ ଭର୍ତି କରାଯାଇଛି ।
