ବଲାଙ୍ଗିର, ଆଜି ପୂର୍ବାହ୍ନରେ ବଲାଙ୍ଗିର ଠିକାଦାର ପଡା ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ ସ୍କୁଲର ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ଲକ୍ଷ୍ମୀ ବଗର୍ତ୍ତୀଙ୍କ ସଭାପତିତ୍ଵରେ ଅନୁଷ୍ଠିତ ହୋଇଛି। ଏଥିରେ ମୁଖ୍ୟ ଅତିଥିଭାବେ ବଲାଙ୍ଗିର ଏବିଇଓ ଉତ୍ତମ କୁମାର ନାଏକ ଯୋଗଦେଇ ଥିଲାବେଳେ ସମ୍ମାନିତ ଅତିଥି ରୂପେ ସ୍କୁଲ ପରିଚାଳନା କମିଟୀ ର ଉପସଭାପତି ନାରାୟଣ ରଣା ଯୋଗଦେଇ ଥିଲେ। ମୁଖ୍ୟବକ୍ତା ଭାବେ ସିଆରସିସି ରାମଚନ୍ଦ୍ର ପୁରୋହିତ ଯୋଗଦେଇ ପିଲା ମାନଙ୍କୁ ଉତ୍ତମ ରୂପେ ପାଠ ପଢି ଭଲ ମଣିଷ ହେବାକୁ ପରାମର୍ଶ ଦେଇଥିଲେ। ସଭାଟିକୁ ଶିକ୍ଷୟିତ୍ରୀ ଜ୍ୟୋତ୍ସ୍ନାରାଣୀ ତ୍ରିପାଠୀ ପରିଚାଳନା କରିଥିଲେ।
ଏହି ଅବସରରେ ସ୍କୁଲର ପୂର୍ବତନ ଶିକ୍ଷୟତ୍ରୀ ଜାହ୍ନବୀ ହୋତା ଓ କାଞ୍ଚନ ମାଳା ବିଶ୍ଵାଳଙ୍କୁ ମୁଖ୍ୟ ଅତିଥି ସମ୍ମାନୀତ କରିଥିଲେ। ଆଗରୁ ଅନୁଷ୍ଠିତ ପ୍ରତିଯୋଗିତା ଭିତରେ ଗୀତ ଆବୃତ୍ତି, ଗଳ୍ପ କଥନ, ବକ୍ତୃତା, ସାଧାରଣ ଜ୍ଞାନ ପ୍ରତିଯୋଗୀତା ଓ ଡ୍ରଇଂର କୃତି ଛାତ୍ର ମାନଙ୍କୁ ପୁରସ୍କୃତ କରାଯାଇଥିଲା। ୧ ରୁ ୮ମ ଶ୍ରେଣି ମଧ୍ୟରେ ୪ ଗୋଟି ଗ୍ରୁପ କରାଯାଇଥିଲା। ପରିଚାଳନା କମିଟି ସଭାପତି ସରସ୍ଵତୀ ଛତ୍ରୀଆ ବିଆର୍ଟି ଗୋମତୀ ସାହୁ ସ୍କୁଲର ସମସ୍ତ ଶିକ୍ଷୟତ୍ରୀ ଯୋଗଦେଇ ଥିଲାବେଳେ ବିଦ୍ୟାଳୟ ଅଭିଭାବକ ପିତା ମାତା ମାନେ ଉପସ୍ଥିତି ଥିଲେ । ବିଦ୍ୟାଳୟର ମଧ୍ୟାହ୍ନ ଭୋଜନ ଦାୟିତ୍ଵରେ ଥିବା ଗାୟତ୍ରୀ ସ୍ଵୟଂ ସହାୟକ ଗୋଷ୍ଠୀର ସଭ୍ୟା ମାନେ କାର୍ଯ୍ୟକ୍ରମରେ ସହଯୋଗ କରିଥିଲେ।
