ବଲାଙ୍ଗିର,ଟିଟିଲାଗଡ ସହର ନିକଟ ଦେସିଲଠାରୁ ପୁଲିସ ୧୫ କିଲୋ ଗଞ୍ଜେଇ ଜବତ କରିବା ସହ ଘଟଣାରେ ଜଣକୁ ଗିରଫ କରିଛି ଓ ଜଣେ ନାବାଳକକୁ ଅଟକ ରଖିଛି । ଗିରଫ ଯୁବକ ଜଣକ ମଣିଚୂଳ କୌଶଳ ବୋଲି ଜଣାପଡିଛି ।
ପୁଲିସ ସୂତ୍ରରୁ ପ୍ରକାଶ ଯେ, ଦେସିଲ ଠାରେ ଗତକାଲି ସନ୍ଧ୍ୟାରେ ପୋଲିସ ଯାନବାହାନ ଯାଞ୍ଚ କରୁଥିଲା । ଏହି ସମୟରେ ବାଇକ୍ ନଂ (ଓଡି ୦୩ ଜେ ୬୫୮୬)ରେ ଆସୁଥିବା ମଣିଚୂଳ ଓ ଉକ୍ତ ନାବାଳକକୁ ସନ୍ଦେହରେ ପଚରାଉଚରା କରିଥିଲା । ସେମାନେ ଧରିଥିବା ସୁଟକେସରୁ ୧୫ଟି ପ୍ୟାକେଟରେ ଥିବା ଉକ୍ତ ଗଞ୍ଜେଇ ଜବତ କରିଥିଲା । ଏହାର ମୂଲ୍ୟ ୪୦ ହଜାର ଟଙ୍କା ହେବ ବୋଲି ପୁଲିସ ଅନୁମାନ କରିଛି । ଏହି ଗଞ୍ଜେଇ ଫୁଲବାଣୀରୁ ଟିଟିଲାଗଡ ଓ ପରେ ଟ୍ରେନ୍ ଯୋଗେ ତାମିଲନାଡୁ ଚାଲାଣ କରିବାର ଯୋଜନା ଥିବା ତଦନ୍ତରୁ ଜଣାପଡିଛି ।
