ଘସିପୁରା,ପୁଅର ଚାପୁଡାରେ ବାପର ମୃତ୍ୟୁ ଘଟିଛି । ଏଭଳି ଏକ ଅଭାବନୀୟ ଘଟଣା ଘଟିଛି କେନ୍ଦୁଝର ଜିଲ୍ଲା ଦୈତାରୀ ଥାନା ଅନ୍ତର୍ଗତ ମହୁଲପଙ୍ଗା ଗାଁରେ । ପୁଅର ଶକ୍ତ ଚାପୁଡା ମାଡରେ ବାପର ମୃତ୍ଯୁ ଘଟିଛି। ମୃତକ ହେଲେ ଶଙ୍କରା ମାଝୀ (୫୦)। ଘଟଣାରେ ଅଭିଯୁକ୍ତ ପୁଅ ଲକ୍ଷ୍ମଣ ମାଝୀକୁ ପୋଲିସ ଗିରଫ କରି କୋର୍ଟଚାଲାଣ କରିଛି।
ସୂଚନାରୁ ଜଣାଯାଏ, ଗତକାଲି ଦିନ ୧୨ଟା ସମୟରେ କୌଣସି କାରଣରୁ ବାପ ଓ ପୁଅ ମଧ୍ୟରେ ଝଗଡା ହୋଇଥିଲା। ପରେ ଉତ୍ୟକ୍ତ ହୋଇ ପୁଅ ଲକ୍ଷ୍ମଣ ମାଝୀ ବାପାଙ୍କୁ ଏକ ଶକ୍ତ ଚାପୁଡା ମାରିଥିଲେ। ଫଳରେ ବାପା ଶଙ୍କରା ମାଝୀ ତଳେ କଚାଡି ହୋଇ ପଡି ଯାଇଥିଲେ। ସେହିଠାରେ ହିଁ ତାଙ୍କର ମୃତ୍ୟୁ ଘଟିଥିଲା। ଏକଥାକୁ ଲୁଚାଇବାକୁ ଯାଇ ଘର ଲୋକେ ଘଟଣା ସମ୍ପର୍କରେ କାହାରିକୁ ଜଣାଇ ନଥିଲେ। ସଂନ୍ଧ୍ୟା ସମୟରେ କୌଣସି ସୂତ୍ରରୁ ଖବର ପାଇ ପୋଲିସ ଘଟଣାସ୍ଥଳକୁ ଯାଇ ଶବ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇବା ସହିତ ଅଭିଯୁକ୍ତ ପୁଅକୁ ଗିରଫ କରି କୋର୍ଟଚାଲାଣ କରିଥିବା ଜଣାପଡିଛି।
