ଆସିକା ଅଂଚଳରେ ଅବକାରୀ ଚଢ଼ଉ

• ୧୫ ହଜାର ୨୦୦ ଲିଟର ପୋଚ ନଷ୍ଟ କରାଗଲା, ୧୨୬୦ ଲିଟର ଦେଶି ମଦ ଜବତ

• ୨୧ ଗିରଫ, ୨୫ ମାମଲା ରୁଜ୍ଜୁ

ଗଞ୍ଜାମ,ଗଞ୍ଜାମ ଜିଲ୍ଲା ଛତ୍ରପୁର ଅବକାରୀ ଡେପୁଟୀ ସୁପରିଟେଣ୍ଡେଂଟ ଅଭିରାମ ବେହେରା ସଦଳବଳେ ଆଜି ଆସିକା ଅଂଚଳରେ ଚଢ଼ଉ କରିଛନ୍ତି । ପୃଥକ୍ ପୃଥକ୍ ସ୍ଥାନରେ ଏହି ଚଢ଼ଉ ବେଳେ ମୋଟ୍ ୧୫ ହଜାର ୨୦୦ ଲିଟର ପୋଚ ନଷ୍ଟ କରାଯାଇଛି । ୧୨୬୦ ଲିଟର ଦେଶି ମଦ ଜବତ ହୋଇଛି । ଘଟଣାରେ ୨୧ ଜଣଙ୍କୁ ଗିରଫ କରାଯାଇଛି । ଏ ସଂକ୍ରାନ୍ତରେ ଅବକାରୀ ବିଭାଗ ପକ୍ଷରୁ ପୃଥକ୍ ପୃଥକ୍ ୨୫ଟି ମାମଲା ରୁଜ୍ଜୁ ହୋଇଛି । ଆସିକାର କାଳଷଣ୍ଢପୁର, ପାକଲା ପଲ୍ଲୀ, ଜଗନ୍ନାଥପଲ୍ଲୀ, ଗଣ୍ଡପଲ୍ଲୀ ଓ ଠେଙ୍ଗାପଲ୍ଲୀ ଏରେଗୋଲା ବସ୍ତିରୁ ରନ୍ଧା ମଦ ଜବତ ହେବା ସହ ପୋଚ ନଷ୍ଟ କରାଯାଇଛି ।

ଏହି ଚଢ଼ଉରେ ଆସିକା ତହସିଲଦାର ଏବଂ ଆସିକା ରେଞ୍ଜ୍ ଅବକାରୀ ବିଭାଗ କର୍ମଚାରୀ ମାନେ ସହଯୋଗ କରିଥିଲେ । ଗିରଫ ଅଭିଯୁକ୍ତ ମାନଙ୍କୁ ଆଜି କୋର୍ଟଚାଲାଣ କରାଯାଇଛି ।