ଗଞ୍ଜାମ, ଗଞ୍ଜାମ ଜିଲ୍ଲା ଛତ୍ରପୁର ଥାନା ଅନ୍ତର୍ଗତ ପୋଡ଼ାପଦର ନିକଟସ୍ଥ ରାସ୍ତା କଡ଼ କାଜୁ ଜଙ୍ଗଲରେ ଆଜି ସକାଳେ ଜଣେ ମହିଳାଙ୍କ ଝୁଲନ୍ତା ମୃତଦେହ ଦେଖିବାକୁ ମିଳିଥିଲା । ଖବର ପାଇ ଛତ୍ରପୁର ପୋଲିସ ଘଟଣାସ୍ଥଳରେ ପହଂଚି ଶବକୁ ଉଦ୍ଧାର କରି ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡ ମେଡିକାଲକୁ ପଠାଇଛି ।
ମୃତ ମହିଳା ଜଣକ ହେଲେ ସୁବାଷିନୀ ପଣ୍ଡା । ସେ ଗତ ୫ ଦିନ ହେଲା ନିଖୋଜ ଥିଲେ । ସେ ପୋଡ଼ାପଦର ଅଙ୍ଗନବାଡ଼ି ୩ ନଂ କେନ୍ଦ୍ରର କର୍ମୀ ରୂପେ ନିଯୁକ୍ତି ପାଇଥିଲେ । ସେ କିଛି ବର୍ଷ ହେଲା ଭାରତୀୟ ଫାଇନାନ୍ସରୁ ଋଣ ନେଇଥିଲେ । ଏହି କମ୍ପାନୀ ଋଣ ଟଙ୍କା ଅସୁଲ ପାଇଁ ବାରମ୍ବାର ତାଙ୍କ ଉପରେ ଚାପ ସୃଷ୍ଟି କରି ଆସୁଥିଲା । ଯେଉଁଥିପାଇଁ ସେ ମାନସିକ ଭାରସାମ୍ୟ ହରାଇ ଆତ୍ମହତ୍ୟା କରିଥାଇପାରନ୍ତି ବୋଲି ତାଙ୍କ ସମ୍ପର୍କୀୟ ମାନେ ପୋଲିସକୁ ସୂଚନା ଦେଇଛନ୍ତି । ଏ ସଂକ୍ରାନ୍ତରେ ଏକ ଅପମୃତ୍ୟୁ ମାମଲା ରୁଜ୍ଜୁ କରିବା ସହ ଛତ୍ରପୁର ପୋଲିସ ଏନେଇ ଅଧିକ ତଦନ୍ତ ଜାରୀ ରଖିଛି ।
