ବଲାଙ୍ଗିର,ଚଳିତ ମଇ ମାସ ୧୮ ତାରିଖରେ ବଲାଙ୍ଗିର ଲଡକି ପାଲି ସ୍ଥିତ ଆଇଟିଆଇ ପରିସରରେ ଏକ ମିନି ନିଯୁକ୍ତି ମେଳା ଅନୁଷ୍ଠିତ ହେବାକୁ ଯାଉଛି। ଏହି ନିଯୁକ୍ତି ମେଳାରେ ବୟନ ଶିଳ୍ପ ସଂସ୍ଥା, ସୁରକ୍ଷା ସଂସ୍ଥା, ହୋଟେଲ ସଂସ୍ଥା, ନିର୍ମାଣ ସଂସ୍ଥା, ସୂଚନା ଓ ପ୍ରଯୁକ୍ତି ବିଦ୍ୟା ସଂସ୍ଥା ଆଦି ରୋଜଗାର ସଂସ୍ଥା ମାନେ ଯୋଗଦେଇ ଯୋଗ୍ୟ ଇଛୁକ ପ୍ରାର୍ଥୀ ମାନକୁ ନିଯୁକ୍ତି ପତ୍ର ପ୍ରଦାନ କରିବେ। ଓଡିଶା ସରକାରଙ୍କ ସହ ବୁଝାମଣା ପତ୍ର ସ୍ଵାକ୍ଷର କରିଥିବା ତାଲିମ ପ୍ରଦାନକାରୀ ସଂସ୍ଥା ମାନେ ମଧ୍ୟ ଏହି ମେଳାରେ ଯୋଗଦାନ କରିବେ। ଏହି ନିଯୁକ୍ତି ମେଳରେ ଯୋଗଦାନ କରିବା ପାଇଁ ପ୍ରାର୍ଥୀଙ୍କ ବୟସ ୧୮ ରୁ ୩୫ ବର୍ଷ ଭିତରେ ହୋଇଥିବ। ଶିକ୍ଷାଗତ ଯୋଗ୍ୟତା ୫ମ ରୁ ଅଧିକ୍ ହୋଇଥିବ ଆବଶ୍ୟକ। ଉପରୋକ୍ତ ଯୋଗ୍ୟତାର ପ୍ରାର୍ଥୀ ପ୍ରାର୍ଥୀନୀ ମାନେ ସମସ୍ତ ପ୍ରମାଣପତ୍ର ସହ ଉପସ୍ଥିତ ରହି ଏହି ମିନି ନିଯୁକ୍ତି ମେଳରେ ସୁଯୋଗ ନେବାକୁ ଜିଲ୍ଲା ନିୟୋଜନ ଅଧିକାରୀ ବଲାଙ୍ଗିର ଅନୁରୋଧ କରିଛନ୍ତି।
