-
୧୪ ଆହତ, ୫ ଗୁରୁତର
ମାଲକାନଗିରି, ମାଲକାନଗିରି ଜିଲ୍ଲା ଗୋବିନ୍ଦପାଲି ଘାଟିରେ ମର୍ମନ୍ତୁଦ ସଡକ ଦୁର୍ଘଟଣା । ଭାରସାମ୍ୟ ହରାଇ କଲଭର୍ଟରେ ପିଟିହେଲା ସବାରି ଗାଡି । ଫଳରେ ୧୪ ଜଣ ଆହତ ହୋଇଥିବା ବେଳେ ୫ ଜଣ ଗୁରୁତର ହୋଇଛନ୍ତି । ଗାଡିଟି ଜାନବାଇରୁ ଗୁପ୍ତେଶ୍ବର ଯାଉଥିବା ବେଳେ ଦୁର୍ଘଟଣା ଘଟିଥିବା ଜଣାପଡିଛି ।
ସୂଚନା ଅନୁଯାୟୀ, ଆଜି ସକାଳୁ ଚିତ୍ରକୋଣ୍ଡା ବ୍ଳକ ସ୍ଵାଭିମାନ ଅଞ୍ଚଳ ବଡ଼ପଡା ପଞ୍ଚାୟତ ଯାନବାଇର ପୁରୁଲୁବନ୍ଧାରୁ ଗୁପ୍ତେଶ୍ବର ଦର୍ଶନ ପାଇଁ ଏକ ସବାରି ଗାଡିରେ ଯାତ୍ରୀମାନେ ବାହାରିଥିଲେ । ହଠାତ ଗୋବିନ୍ଦାପଲ୍ଲୀ ଘାଟି କଷିଗାଡା ପାଖରେ ଭାରସାମ୍ୟ ହରାଇ ସବାରି ଗାଡିଟି କଲଭର୍ଟରେ ପିଟିହୋଇଥିଲା । ଘଟଣାସ୍ଥଳରେ ସ୍ଥାନୀୟ ଲୋକ ଓ ବିଏସଏଫ ଯବାନଙ୍କ ସହାୟତାରେ ସମସ୍ତ ଆହତଙ୍କୁ ମାଥିଲି ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି । ଖବର ପାଇ ମାଥିଲି ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗସ୍ତ ଗାଡିଟିକୁ ଜବତ କରିବା ସହିତ ଅଧିକ ତଦନ୍ତ ଚଳାଇଛି ।
