ଭୁବନେଶ୍ୱର, ବିଶ୍ୱ ରେଡକ୍ରସ୍ ଦିବସ ତଥା ରେଡକ୍ରସ୍ର ପ୍ରତିଷ୍ଠାତା ଜାଁ ହେନେରୀ ଦୁନାଁଙ୍କ ୧୯୫ ତମ ଜନ୍ମ ଦିବସ ଆଜି ରେଡକ୍ରସ୍ ଭବନରେ ପାଳିତ ହୋଇଯାଇଛି । ଏହି ଅବସରରେ ରେଡକ୍ରସ୍ ରାଜ୍ୟ ଶାଖା ସଚିବ ସିଟିଏମ୍ ସୁଗୁଣା ମୁଖ୍ୟ ଅତିଥି ଓ ରେଡକ୍ରସ୍ର ବରିଷ୍ଠ ସଦସ୍ୟ ଡ. ଦ୍ୱାରୀକାନାଥ ମହାନ୍ତି ସମ୍ମାନୀତ ଅତିଥୀ ଭାବେ ଯୋଗ ଦେଇ ରେଡକ୍ରସ୍ ଭବନ ପରିସରରେ ଥିବା ହେନେରୀ ଦୁନାଁଙ୍କ ପ୍ରତିମୂର୍ତି ର ମାଲ୍ୟାର୍ପଣ କରିଥିଲେ । ରେଡକ୍ରସ୍ ରାଜ୍ୟ ଶାଖାର ଚାରୋଟି ଗୋଡ ଯଥା – ଜିଲ୍ଲା/ଆଂଚଳିକ ଶାଖା, ୟୁଥ ରେଡକ୍ରସ୍, ଜୁନିଅର ରେଡକ୍ରସ୍ ଓ ରେଡକ୍ରସର ସଦସ୍ୟ/ସଦସ୍ୟା ମାନେ । ଏଥିରୁ କୈାଣସି ଗୋଟିଏକୁ ଛାଡିଲେ ଚଳିବ ନାହିଁ, ଏଣୁ ସମସ୍ତଙ୍କୁ ନେଇ ଚାଲିବା ଆବଶ୍ୟକ ବୋଲି ପୋଲିସ କମିସନରେଟ ରେଡକ୍ରସ୍ର କାର୍ଯ୍ୟନିର୍ବାହୀ କମିଟି ସଦସ୍ୟ ତଥା ବରିଷ୍ଠ ଆଜୀବନ ସଦସ୍ୟ ଅଧିବକ୍ତା ଦିଲ୍ଲୀପ ଦାଶଶର୍ମା କାର୍ଯ୍ୟକ୍ରମରେ ସଭାପତିତ୍ୱ କରି କହିଥିଲେ । ଅନ୍ୟମାନଙ୍କ ମଧ୍ୟରେ ବରିଷ୍ଠ ସଦସ୍ୟ ପ୍ରସନ୍ନ ରଥ, ମମତା ପାଢି, ଶିତଳ ଚନ୍ଦ୍ର ମହାନ୍ତି, ଗୋବିନ୍ଦ ଚନ୍ଦ୍ର ସୁବୁଦ୍ଧି, ବାସନ୍ତୀ ତ୍ରିପାଠୀ, ଗୋପୀ ମୋହନ ପଟ୍ଟନାୟକ, ସମରଞ୍ଜନ ମହାନ୍ତି, ସମରେନ୍ଦ୍ର କୁମାର ବିଶ୍ୱାଳ, ଆଦିତ୍ୟ ମହାନ୍ତି ଓ ମାନସ ସ୍ୱାଇଁ ଆଦି ଆଜୀବନ ସଦସ୍ୟ ସଦସ୍ୟା ମାନେ ମାଲ୍ୟାର୍ପଣ କାର୍ଯ୍ୟକ୍ରମରେ ଭାଗ ନେଇଥିଲେ ।
