ନୂଆପଡ଼ା, ନୂଆପଡ଼ା ଜିଲ୍ଲା କୋମନା ବ୍ଲକ ଘାଟିପଡା ଗାଁର ୩୫୩ ଜାତୀୟ ରାଜପଥ ଉପରେ ଅଜଣା ଗାଡି ଧକ୍କାରେ ଜଣେ ଯୁବକଙ୍କ ଶୋଚନୀୟ ମୃତ୍ୟୁ ଘଟିଛି । ମୃତ୍ୟୁବରଣ କରିଥିବା ଯୁବକ ଜଣକ କୋମନା ଥାନା ଟିକ୍ରାପଡା ଗ୍ରାମର ଅମରେଶ ଦଣ୍ଡସେନା ବୋଲି ଜଣାପଡିଛି ।
ଆଜି ସକାଳୁ ଅମରେଶ ନୂଆପଡା ଅଭିମୁଖେ ଯାଉଥିବା ବେଳେ ଘାଟିପଡ଼ା ଗାଁ ନିକଟରେ ପଛପଟୁ ଏକ ଅଜଣା ଗାଡି ଧକ୍କା ଦେବାରୁ ଘଟଣାସ୍ଥଳରେ ଅମରେଶଙ୍କର ମୃତ୍ୟୁ ଘଟିଛି। ଖବର ପାଇ ପୋଲିସ ସେଠାରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇବା ସହ ଏକ ମାମଲା ରୁଜୁ କରି ଘଟଣାର ତଦନ୍ତ ଚଳାଇଥିବା ସୂଚନା ମିଳିଛି।
