ଭୁବନେଶ୍ୱର, ଉତ୍କଳ ବୁଲେଟିନ୍ ଚାରିଟେବୁଲ୍ ଟ୍ରଷ୍ଟର ବାର୍ଷିକ ବୈଠକ ସ୍ଥାନୀୟ ଜନକଲ୍ୟାଣ ଭବନଠାରେ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବରିଷ୍ଠ ସାମ୍ବାଦିକ, ପ୍ରାଧ୍ୟାପକ ଡ. ଅସିତ ଦାସ, ସମ୍ମାନିତ ଅତିଥି ଭାବେ ପୂର୍ବତନ ଅଧ୍ୟକ୍ଷ, ସାହିତ୍ୟିକ, ସମାଜସେବୀ ଡ. ଚିତ୍ତରଞ୍ଜନ ମହାନ୍ତି, ଶହୀଦ ରଘୁ-ଦିବାକର ସ୍ମୃତି ସଂସଦର ସାଧାରଣ ସମ୍ପାଦକ ବ୍ରଜବନ୍ଧୁ ପରିଡ଼ା ଯୋଗଦେଇ ରାଷ୍ଟ୍ରର ବିକାଶରେ ସାମ୍ବାଦିକର ଭୂମିକା ସମ୍ପର୍କରେ ଆଲୋକପାତ କରିଥିଲେ । ସଂଗଠନର ସମ୍ପାଦକ ଅରବିନ୍ଦ ତ୍ରିପାଠୀ କାର୍ଯ୍ୟକ୍ରମକୁ ସଂଯୋଜନା କରି ମତବ୍ୟକ୍ତ କରିଥିଲେ ଯେ, ଅଧୁନା ସାମ୍ବାଦିକ ଓ ସାମ୍ବାଦିକତା କ୍ଷେତ୍ର ବହୁ କଂଟକିତ ପଥ ଦେଇ ଅତିକ୍ରମ କରୁଛି । ଏହି ଅବସରରେ ଡ. ଚିତ୍ତରଞ୍ଜନ ମହାନ୍ତିଙ୍କୁ ଟ୍ରଷ୍ଟର ନୂତନ ପରିଚାଳନା ନିର୍ଦ୍ଦେଶକ ଭାବେ ଦାୟିତ୍ୱ ମିଳିବା ସହ ସମ୍ବର୍ଦ୍ଧନା ପ୍ରଦାନ କରାଯାଇଥିଲା । ସତ୍ୟ, ନିରପେକ୍ଷ ଖବର ସହ ନିଜର ସମ୍ମାନ ଓ ସ୍ୱାଭିମାନକୁ ସମସ୍ତେ ବଜାୟ ରଖି କାର୍ଯ୍ୟ କରନ୍ତୁ ବୋଲି କହିଥିଲେ । ଉପଦେଷ୍ଟା ମନୀଷା ରାୟ ଭର୍ଚୁଆଲ୍ ମୋଡ୍ରେ ଯୋଗଦେଇଥିବା ବେଳେ କାର୍ଯ୍ୟକ୍ରମକୁ ପ୍ରମୁଖ ପରିଚାଳନା କରିଥିଲେ ପ୍ରିୟବ୍ରତ ବାରିକ, ସତ୍ୟବ୍ରତ, ସ୍ୱାଗତିକା ଓ ଚନ୍ଦନକା ।
