କୈଳାଶ ଚନ୍ଦ୍ର ପଣ୍ଡା,ପୁରୀ,
ଶ୍ରମିକ ଦିବସ ରେ କାଠ ଶିଳ୍ପୀ ଓ କାଠ କାରିଗର ସଂଗଠନ ପୁରୀ ରେ ରକ୍ତଦାନ ଶିବିର ଆୟୋଜନ କରିଛି |ଶ୍ରମିକ ଖରା ବର୍ଷା ତାତି ଝାଂଜି ଶୀତ କାକର ରେ କାମ କରି ଦେଶ ଗଢୁ ଥିବା ବେଳେ ତାର ସାମାଜିକ ନିରାପତ୍ତା ମୋଦୀ ସରକାର ଛଡେଇ ନେଉଛି |ଶ୍ରମ ଆଇନି କୁ ସଂଶୋଧନ କରି ମାଲିକ ସପକ୍ଷରେ ତିଆରି କରୁଛି |ଦର ବୃଦ୍ଧି ତାର ଅଂଟା ଭାଙ୍ଗି ଦେଉଛି | ଏଥିସହିତ ମଜୁରୀ ଦିନ କୁ 700ଟଙ୍କା ହୋଇନାହିଁ |ଦେଶ ର ସମସ୍ତ ସମ୍ପଦ କୁ ପୁଞ୍ଜିପତି ଙ୍କ ହାତରେ ଟେକି ଦେଲେ ମୋଦୀ ସରକାର |ଦିନ କୁ ଆଠ ଘଣ୍ଟା କାମ କୁ ବଦଳାଇ ବାର ଘଣ୍ଟା କରିବେ |ଶ୍ରମ ଶୋଷଣ ସହ ଜୀବନ ଦୁର୍ବିସହ ହେବ| ତଥାପି ସମାଜ ଗଠନ ପାଇଁ ରକ୍ତଦାନ କରିବାକୁ ଆଗେଇ ଆସିଛି କାଠ କାରିଗର ସଂଗଠନ |ବଡଶଙ୍ଖ ଶରଧା ମଣ୍ଡପ ରେ ରକ୍ତଦାନ ଶିବିର କୁ ପୁରୀ ର ଉପ ଜିଲ୍ଲାପାଳ ଭବ ତାରଣ ସାହୁ ଉଦଘାଟନ କରିଥିଲେ |ଉପଦେଷ୍ଟା ଶରତ କୁମାର ରାୟଗୁରୁ, ସମ୍ପାଦକ ମନୋରଞ୍ଜନ ମହାରଣା, କ୍ଷେତ୍ର ବାସି ମହାରଣା, ପବିତ୍ର ଓଝା, ଜମ୍ବେଶ୍ୱର ଓଝା, ସୁଦର୍ଶନ ମହାରଣା ପ୍ରମୁଖ ଅତିଥି ଭାବେ ଯୋଗ ଦେଇଥିଲେ | ଏହି ଶିବିରରେ ସତେଇଶି ୟୁନିଟ ରକ୍ତ ସଂଗ୍ରହ ହୋଇଥଲା |
